Rasija prapanavała ZŠA jašče na hod padoŭžyć jadziernyja abmiežavańni pa DSNU
Ministr zamiežnych spraŭ Rasii Siarhiej Łaŭroŭ paviedamiŭ, što Maskva prapanavała administracyi ZŠA praciahnuć na hod abmiežavańni pa Damovie ab skaračeńni stratehičnych nastupalnych uzbrajeńniaŭ (DSNU). Ciapier pieramovy ab padaŭžeńni terminu dziejańnia damovy nie viaducca, ale baki, maŭlaŭ, viedajuć, kolki jakich uzbrajeńniaŭ u kaho jość.
Łaŭroŭ prapanavaŭ vykarystać hety hod, kab «astyć», praanalizavać situacyju i nie aceńvać usio tolki praz ukrainski kantekst. Jon padkreśliŭ, što havorka idzie pra adkaznaść vialikich dziaržaŭ za hłabalnuju biaśpieku i praduchileńnie jadziernaj vajny. Praciah abmiežavańniaŭ moža być abvieščany ŭ luby momant da 5 lutaha.
Rasijski ministr adznačyŭ, što hetaja prapanova — adnabakovaje prajaŭleńnie dobraachvotnaści Maskvy, i ZŠA nie treba pravodzić pieramovy abo kansultacyi, kab padtrymlivać jaje. Dastatkova, kab ZŠA pahadzilisia nie pavyšać kolkasnyja ŭzroŭni ŭzbrajeńniaŭ na praciahu hoda, pakul Rasija nibyta vykonvaje svajo abaviazacielstva.
Łaŭroŭ taksama nahadaŭ, što padaŭžeńnie terminu samoj damovy — praces značna składaniejšy, čym prostaje dobraachvotnaje zachavańnie abmiežavańniaŭ. Akramia taho, jon uzhadaŭ słovy prezidenta Rasii Uładzimira Pucina pra toje, što ŭ vypadku praviadzieńnia jadziernych vyprabavańniaŭ inšaj jadziernaj dziaržavaj Rasija adkaža anałahična, ale na siońniašni dzień zahadu na vyprabavańni nie było — treba pravieści analiz situacyi.
ZŠA raniej paviedamlali pra płany praviadzieńnia jadziernych vyprabavańniaŭ, spasyłajučysia na toje, što padobnyja dziejańni pravodziać inšyja krainy, uklučajučy Kitaj, Pakistan, Rasiju i Paŭnočnuju Kareju. Pres-sakratar prezidenta Rasii Dźmitryj Piaskoŭ padkreśliŭ, što Maskva i Piekin nibyta nie pravodziać padobnych vyprabavańniaŭ, a rašeńnie pavinna hruntavacca na detalovym analizie situacyi.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary