Piedafiła asudzili za hvałt nad dziciom praz 18 hadoŭ paśla ździajśnieńnia złačynstva
Padrabiaznaści paviedamiŭ Śledčy kamitet.
U lutym 2025 hoda 26‑hadovaja dziaŭčyna napisała ŭ milicyju zajavu ab złačynstvach seksualnaha charaktaru, achviaraj jakich jana stanaviłasia na praciahu čatyroch hadoŭ z 2007 hoda, kali joj było siem hadoŭ.
Jana advažyłasia raskazać pra ŭsio paśla sproby suicydu ŭ 2024 — m. Na dopycie vyśvietliłasia, što kryŭdziciel — kachany jaje maci, ź jakim taja zaviała adnosiny hodam raniej.
37‑hadovy mužčyna tady sam prapanavaŭ dapamohu ź dziciem: jon pavinien byŭ zabirać jaje paśla ŭrokaŭ i advodzić na pracu da maci. Ale adnojčy złamyśnik prapanavaŭ pierad hetym schadzić da jaho dadomu. Dziaŭčynka, budučy ŭpeŭnienaj, što blizki siabar siamji nie pryčynić joj nijakaj škody, pahadziłasia. U kvatery abvinavačany ŭčyniŭ nad joj hvałtoŭnyja dziejańni sieksualnaha charaktaru.
Takija incydenty (jany vyličajucca dziasiatkami) praciahvalisia na praciahu niekalkich hadoŭ. Dziaŭčynka nikomu pra ich nie raspaviadała — mužčyna pierakanaŭ jaje, što jana sama vinavataja ŭ tym, što adbyvajecca i mienavita jaje buduć łajać i karać. Na toj momant abvinavačany ŭžo sam byŭ baćkam dvaich maleńkich dziaciej.
Mužčyna admoviŭsia ad dačy pakazańniaŭ, adnak śledčym udałosia dakazać jaho dačynieńnie da złačynstvaŭ. Abvinavačany raniej nie traplaŭ u pole zroku milicyi, nidzie nie pracuje, raźviedzieny. Psychijatryčnaja ekśpiertyza zaklučyła, što jon pakutuje na piedafiliju.
Pavodle č. 3 art.167 sud vynies prysud: 13 hadoŭ pazbaŭleńnia voli.
Ciapier čytajuć
Dačka sudździ, jakaja žyŭcom zhareła ŭ sudzie ŭ Słucku ŭ 1967-m, raskazała, jak skłałasia žyćcio ich siamji paśla hučnaj trahiedyi3
Kamientary