MZS: Biełaruś vitaje rašeńnie Polščy ab adnaŭleńni dvuch punktaŭ propusku
Biełaruś vitaje rašeńnie ŭładaŭ Polščy ab adnaŭleńni pracy raniej začynienych dvuch punktaŭ propusku. Pra heta zajaviŭ žurnalistam pres-sakratar MZS Rusłan Varankoŭ pa vynikach praviedzienaj pa daručeńni Łukašenki narady pa situacyi na miažy ź dziaržavami Jeŭrapiejskaha sajuza, paviedamlaje BiełTA.
Mierapryjemstva prajšło pad kiraŭnictvam premjer-ministra Alaksandra Turčyna i dziaržaŭnaha sakratara Rady biaśpieki Alaksandra Valfoviča pry ŭdziele kiraŭnikoŭ MZS, Dziaržaŭnaha pamiežnaha kamiteta, Mytnaha kamiteta i KDB.
«Biełaruś paśladoŭna zaklikaje jeŭrapiejskich susiedziaŭ da adnaŭleńnia raniejšaha režymu pracy miažy ŭ intaresach zvyčajnych hramadzian i raźvićcia transhraničnaha supracoŭnictva. Na hetym fonie vitajem rašeńnie ŭładaŭ Respubliki Polšča ab adnaŭleńni pracy raniej začynienych dvuch punktaŭ propusku praź biełaruska-polskuju miažu dla pieramiaščeńnia ludziej, transpartnych srodkaŭ i hruzaŭ. Heta rašeńnie akazvaje stanoŭčy ŭpłyŭ pieravažna na pamiežny handal», — skazaŭ pres-sakratar.
U paviedamleńni MZS adznačajecca, što hety krok źjaŭlajecca prajavaj kanstruktyŭnaha staŭleńnia Polščy, nakiravanym pieravažna na žadańni ŭłasnych hramadzian.
«Na žal, my nie nazirajem anałahičnaha padychodu z boku litoŭskich uładaŭ, jakija praciahvajuć ihnaravać intaresy ŭłasnych hramadzian», — dadaŭ Rusłan Varankoŭ.
Jak paviedamlałasia raniej, ułady Polščy majuć namier 17 listapada adnavić pracu dvuch zakrytych u papiarednija hady pamiežnych pierachodaŭ na miažy ź Biełaruśsiu ŭ Babroŭnikach i Kuźnicy.
Polski bok budzie prapuskać lehkavyja aŭtamabili i i aŭtobusy praz KPP u Kuźnicy, a praz KPP u Babroŭnikach — lehkavyja aŭtamabili, aŭtobusy, a taksama hruzaviki z krain ES i Šviejcaryi.
Litoŭskaja miaža zakryta da 30 listapada.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie33
Kamientary