Pradstaŭnik Trampa admoviŭsia ad sustrečy ź Zialenskim u Ankary, bo toj nie zhodny z prarasijskim mirnym płanam
Pavodle infarmacyi vydańnia Axios, śpiecpasłańnik prezidenta ZŠA Styŭ Uitkaf admoviŭsia ad sustrečy z prezidentam Ukrainy Uładzimiram Zialenskim u tureckaj Ankary, bo toj nie pryniaŭ prapanavany ZŠA «mirny płan», jaki ŭkrainski bok nazyvaje prarasijskim. Druhoju pryčynaj pieranosu sustrečy nibyta staŭ unutrypalityčny karupcyjny skandał va Ukrainie.
Krynicy žurnalistaŭ Axios paviedamlajuć, što ZŠA nie ličać mierkavanyja terytaryjalnyja sastupki z boku Ukrainy na karyść Rasii istotnymi. Pavodle słoŭ čynoŭnika Biełaha doma, Ukraina i tak ryzykuje stracić Danbas, kali vajna praciahniecca, tamu nibyta ŭ jaje intaresach damovicca mienavita ciapier.
Płan Donalda Trampa nibyta praduhledžvaje, što ZŠA i šerah inšych krain pryznajuć Krym i Danbas terytoryjaj Rasii, ale ad Ukrainy aficyjnaha pryznańnia patrabavać nie buduć. Akramia taho, prapanujecca skaracić kolkaść Uzbrojenych sił Ukrainy i abmiežavać kolkaść u jaje dalnabojnaj zbroi.
U abmien Vašynhton abiacaje Ukrainie niejkija «harantyi biaśpieki», adnak što mienavita majecca pad hetym na ŭvazie — nieviadoma.
Pavodle danych dźviuch krynic Axios, nad płanam taksama pracujuć Katar i Turcyja, jakija nibyta dapamahli zamireńniu ŭ Hazie.
Paviedamlajecca, što Zialenski daručyŭ sakrataru Rady nacyjanalnaj biaśpieki i abarony Ukrainy Rustemu Umieravu pravieści pieramovy z Uitkafam, padčas hetych kantaktaŭ byli dasiahnutyja šerah vusnych damoŭlenaściaŭ. Adnak Ukraina, pa słovach surazmoŭcaŭ, nie zhodnaja z mnohimi punktami płana.
Pierad sustrečaj z Umieravym Uitkaf kansultavaŭsia sa śpiecpasłańnikam Pucina Kiryłam Dźmitryjevym. Pavodle CNN, u administracyi Trampa ličać, što Pucin ciapier hatovy da damoŭlenaściaŭ.
Uitkaf płanavaŭ 19 listapada pryjechać u Ankaru i pravieści trochbakovuju sustreču z Uładzimiram Zialenskim i ministram zamiežnych spraŭ Turcyi Chakanam Fidanam. Ale sustreču adkłali, kali vyśvietliłasia, što Zialenski admoviŭsia ad papiarednich damoŭlenaściaŭ, dasiahnutych Umieravym, i nie zacikaŭleny ŭ abmierkavańni płana Trampa. Jon prybyŭ u Ankaru z alternatyŭnym płanam, padrychtavanym razam ź jeŭrapiejskimi partniorami, jaki Rasija, chutčej za ŭsio, nie prymie.
Jašče adnoj pryčynaj skasavańnia sustrečy staŭ ŭnutrypalityčny karupcyjny skandał va Ukrainie, źviazany ź imieniem adnaho z daŭnich supracoŭnikaŭ Zialenskaha Cimura Mindziča.
Pavodle materyjału Axios, Tramp padtrymaŭ rašeńnie Uitkafa nie pravodzić sustreču z Uładzimiram Zialenskim. U Biełym domie zajaŭlajuć, što ciapier «miač na baku Zialenskaha» — jon moža pryjechać u Vašynhton i abmierkavać novy amierykanski płan, kali pažadaje.
ZŠA ŭzhadnili z Rasijaj mirny płan, vielmi niavyhadny dla Ukrainy
Pieramovy śpiecpasłańnika ZŠA i kiraŭnika ofisa Zialenskaha admianili
Axios: ZŠA i RF pracujuć nad sakretnym płanam pa Ukrainie
Zialenski jedzie ŭ Turcyju dla aktyvizacyi pieramovaŭ z Rasijaj
Tramp zapiarečyŭ, što prymušaŭ Zialenskaha addać Rasii ŭvieś Danbas
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB18
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary
Jany heta zrobiać adrazu paśla pieramohi nad rasijskimi akupantami, a nie zaraz, jak maryć vaš Pucin.
Vsio, čto nužno znať ob etom pieriehovorŝikie. Čiełoviek možiet vyjechať iz Rośsii, no Rośsija iz nieho nie vyjediet nikohda.