Прадстаўнік Трампа адмовіўся ад сустрэчы з Зяленскім у Анкары, бо той не згодны з прарасійскім мірным планам
Паводле інфармацыі выдання Axios, спецпасланнік прэзідэнта ЗША Стыў Уіткаф адмовіўся ад сустрэчы з прэзідэнтам Украіны Уладзімірам Зяленскім у турэцкай Анкары, бо той не прыняў прапанаваны ЗША «мірны план», які ўкраінскі бок называе прарасійскім. Другою прычынай пераносу сустрэчы нібыта стаў унутрыпалітычны карупцыйны скандал ва Украіне.
Крыніцы журналістаў Axios паведамляюць, што ЗША не лічаць меркаваныя тэрытарыяльныя саступкі з боку Украіны на карысць Расіі істотнымі. Паводле слоў чыноўніка Белага дома, Украіна і так рызыкуе страціць Данбас, калі вайна працягнецца, таму нібыта ў яе інтарэсах дамовіцца менавіта цяпер.
План Дональда Трампа нібыта прадугледжвае, што ЗША і шэраг іншых краін прызнаюць Крым і Данбас тэрыторыяй Расіі, але ад Украіны афіцыйнага прызнання патрабаваць не будуць. Акрамя таго, прапануецца скараціць колькасць Узброеных сіл Украіны і абмежаваць колькасць у яе дальнабойнай зброі.
У абмен Вашынгтон абяцае Украіне нейкія «гарантыі бяспекі», аднак што менавіта маецца пад гэтым на ўвазе — невядома.
Паводле даных дзвюх крыніц Axios, над планам таксама працуюць Катар і Турцыя, якія нібыта дапамаглі замірэнню ў Газе.
Паведамляецца, што Зяленскі даручыў сакратару Рады нацыянальнай бяспекі і абароны Украіны Рустэму Умераву правесці перамовы з Уіткафам, падчас гэтых кантактаў былі дасягнутыя шэраг вусных дамоўленасцяў. Аднак Украіна, па словах суразмоўцаў, не згодная з многімі пунктамі плана.
Перад сустрэчай з Умеравым Уіткаф кансультаваўся са спецпасланнікам Пуціна Кірылам Дзмітрыевым. Паводле CNN, у адміністрацыі Трампа лічаць, што Пуцін цяпер гатовы да дамоўленасцяў.
Уіткаф планаваў 19 лістапада прыехаць у Анкару і правесці трохбаковую сустрэчу з Уладзімірам Зяленскім і міністрам замежных спраў Турцыі Хаканам Фіданам. Але сустрэчу адклалі, калі высветлілася, што Зяленскі адмовіўся ад папярэдніх дамоўленасцяў, дасягнутых Умеравым, і не зацікаўлены ў абмеркаванні плана Трампа. Ён прыбыў у Анкару з альтэрнатыўным планам, падрыхтаваным разам з еўрапейскімі партнёрамі, які Расія, хутчэй за ўсё, не прыме.
Яшчэ адной прычынай скасавання сустрэчы стаў ўнутрыпалітычны карупцыйны скандал ва Украіне, звязаны з іменем аднаго з даўніх супрацоўнікаў Зяленскага Цімура Міндзіча.
Паводле матэрыялу Axios, Трамп падтрымаў рашэнне Уіткафа не праводзіць сустрэчу з Уладзімірам Зяленскім. У Белым доме заяўляюць, што цяпер «мяч на баку Зяленскага» — ён можа прыехаць у Вашынгтон і абмеркаваць новы амерыканскі план, калі пажадае.
ЗША ўзгаднілі з Расіяй мірны план, вельмі нявыгадны для Украіны
Перамовы спецпасланніка ЗША і кіраўніка офіса Зяленскага адмянілі
Axios: ЗША і РФ працуюць над сакрэтным планам па Украіне
Зяленскі едзе ў Турцыю для актывізацыі перамоваў з Расіяй
Трамп запярэчыў, што прымушаў Зяленскага аддаць Расіі ўвесь Данбас
Каментары
Яны гэта зробяць адразу пасля перамогі над расійскімі акупантамі, а не зараз, як марыць ваш Пуцін.
Всё, что нужно знать об этом переговорщике. Человек может выехать из России, но Россия из него не выедет никогда.