Tramp nie ličyć svoj płan pa Ukrainie kančatkovym i hatovy jaho mianiać
Prezident ZŠA Donald Tramp zajaviŭ, što prapanavany im mirny płan pa Ukrainie nie źjaŭlajecca kančatkovym i moža być źmienieny. Havoračy z žurnalistami padčas tranślacyi tielekanała Fox News, jon adkazaŭ «nie» na pytańnie, ci źjaŭlajecca hety płan «finalnaj prapanovaj dla Ukrainy», padkreśliŭšy, što hałoŭnaja meta — dasiahnuć miru.
Na pytańnie, što budzie, kali prezident Ukrainy Uładzimir Zialenski adkinie hety płan, Tramp adznačyŭ: u takim vypadku «jon moža praciahvać zmahacca z usich sił».
Taksama, na dumku Trampa, hetaja vajna nikoli b nie pačałasia, kali b u 2022 hodzie prezidentam byŭ jon, a nie Džo Bajden.
Uładzimir Zialenski raniej zajaviŭ, što hatovy «pracavać» razam z zachodnimi partniorami, vykarystoŭvajučy prapanovy Trampa jak asnovu dla dalejšych abmierkavańniaŭ.
Prezident Rasii Uładzimir Pucin taksama prakamientavaŭ inicyjatyvu Trampa, skazaŭšy, što hety dakumient «moža być pakładzieny ŭ asnovu kančatkovaha mirnaha vyrašeńnia».
Na niadzielu, 22 listapada, u Ženievie zapłanavanyja pieramovy Ukrainy, ZŠA, Hiermanii, Francyi i Vialikabrytanii, na jakich prapanova Trampa budzie razhledžanaja bolš padrabiazna.
Orban pahražaje zabłakavać jeŭrapiejskuju dapamohu Ukrainie, kali nie budzie biezumoŭna pryniaty płan Trampa
Jeŭrapiejcy adchilili płan Trampa pa Ukrainie ŭ jaho ciapierašnim vyhladzie
Džej Dzi Vens: Amierykanski mirny płan nakiravany na toje, kab spynić zabojstvy, zachoŭvajučy pry hetym suvierenitet Ukrainy
28 punktaŭ «mirnaha płana» ZŠA — poŭny śpis
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary