Načalnik štaba «Chiezbały» zabity ŭ vyniku izrailskaha ŭdaru pa Biejrucie
Izrailskija vajskoŭcy zabili vysokapastaŭlenaha člena livanskaj vajenizavanaj hrupoŭki «Chiezbała» ŭ vyniku avijaŭdaru pa paŭdniovym pryharadzie Biejruta. Heta pieršaja takaja ataka paśla niekalkich miesiacaŭ pieramirja, paviedamlaje Bi-bi-si.
Chajtami Ali Tabtabaja, načalnika štaba «Chiezbały», izrailskija vajskoŭcy pradstavili jak vieterana hrupoŭki, jaki zajmaŭ šerah vysokich pasadaŭ.
Ministerstva achovy zdaroŭja Livana paviedamiła, što ŭ vyniku ŭdaru, jaki pryjšoŭsia pa žyłym domie ŭ ščylna nasielenym rajonie Dachija, zahinuli prynamsi piać čałaviek, 28 atrymali ranieńni.
«Chiezbała» paćvierdziła śmierć Tabtabaja, zajaviŭšy, što Izrail pierasiok «čyrvonuju rysu», naniosšy hety ŭdar.
Heta pieršy ŭdar Izraila pa paŭdniovaj častcy Biejruta za apošnija miesiacy. Jon byŭ naniesieny na fonie eskałacyi kampanii Izraila suprać ludziej, jakija, pavodle jaho śćviardžeńnia, źviazanyja z «Chiezbałoj» — šyickaj musulmanskaj hrupoŭkaj, jakuju padtrymlivaje Iran, — niahledziačy na pieramirje, dasiahnutaje pry pasiarednictvie ZŠA i Francyi i jakoje ŭstupiła ŭ siłu ŭ listapadzie minułaha hoda. Izrailskija słužbovyja asoby zajaŭlajuć, što «Chiezbała» sprabuje adnavić svoj vajskovy patencyjał, zajmajecca kantrabandaj zbroi i naroščvaje vytvorčaść udarnych dronaŭ u jakaści alternatyvy rakietam. Jość aściarohi nakont eskałacyi vajennych dziejańniaŭ.
«Dziaržava Izrail nie dazvolić «Chiezbale» adnavić svaju moc, i my nie dazvolim joj znoŭ być pahrozaju dla Izraila», — zajaviŭ izrailski premjer-ministr Bińjamin Nietańjachu. Jon skazaŭ, što čakaje ad livanskaha ŭrada «vykanańnia jaho abaviazacielstva pa razzbrajeńni «Chiezbały».
Prezident Livana Žazef Aun zaklikaŭ mižnarodnuju supolnaść akazać cisk na Izrail, jaki praciahvaje akupavać jak najmieniej piać nasielenych punktaŭ na poŭdni Livana, zajaviŭšy, što dziejańni Izraila źjaŭlajucca parušeńniem pahadnieńnia, jakoje pakłała kaniec 13‑miesiačnamu kanfliktu.
Livanski ŭrad paabiacaŭ razzbroić «Chiezbału», ale hrupoŭka admaŭlajecca razzbrojvacca da taho času, pakul Izrail nie spynić ataki, poŭnaściu nie vyviedzie vojski ź Livana i nie vyzvalić livanskich źniavolenych.
Kamientary