Z učorašniaha viečara da siońniašniaj ranicy ŭnutranym słužbam Łatvii ŭdałosia pierachapić siem šaroŭ z kantrabandaj.
U niadzielu, 23 listapada, u Łatvii taksama byli vyjaŭleny mietearałahičnyja šary z kantrabandnymi cyharetami, što zalacieli ź Biełarusi, paviedamiŭ u intervju prahramie TV3 «900 siekund» ministr unutranych spraŭ Rychards Kazłoŭskis, piša Delfi.lv.
Kiraŭnik MUS rastłumačyŭ, što ŭ vypadku Łatvii, u adroźnieńnie ad Litvy, heta nie stvaraje surjoznych pahroz krytyčnaj infrastruktury, pakolki pobač ź miažoj niama aeraporta, adnak padajučy hruz ź nielehalnymi cyharetami z-za svajoj vahi moža nanieści łakalnyja paškodžańni.
Z učorašniaha viečara da siońniašniaj ranicy ŭnutranym słužbam Łatvii ŭdałosia pierachapić siem šaroŭ z kantrabandaj, što prylacieli ź Biełarusi. U kožnaj takoj partyi ŭ siarednim kala 60 000 nielehalnych cyharet. «Praca praciahvajecca, i abjomy ŭdakładniajucca, ale fienomien taki jość», — skazaŭ Kazłoŭskis.
Ministr zaklikaŭ žycharoŭ Łatvii, zaŭvažyŭšy takija šary ŭ pryhraničnaj zonie, nie čakać, pakul jany pryziamlacca, i nie sprabavać ich źbivać, a paviedamlać adpaviednym słužbam, kab złačynstva ŭdałosia praduchilić biaśpiečna i efiektyŭna, nie daŭšy kantrabandnamu tavaru trapić na nielehalny rynak Łatvii.
Kazłoŭskis dadaŭ, što łatvijskija słužby ŭnutranych spraŭ ciesna supracoŭničajuć z kalehami ź Litvy i Polščy, i ŭžo adbyłosia niekalki sustreč pa abmienie dośviedam ab tym, jak supraćdziejničać hetamu fienomienu z «mieteazondami».
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby2
Kamientary