U Rasii fitnes-błohier pamior, rekłamujučy svoj kurs pa pachudzieńni
U rasijskim Arenburhu pamior miascovy fitnes-błohier i trenier Dźmitryj Nujanzin, jaki chacieŭ prarekłamavać svoj kurs pachudzieńnia. Dla hetaha jon śviadoma pačaŭ chutka nabirać vahu, kab potym pakazalna schudnieć i prademanstravać efiektyŭnaść svajoj mietodyki, piša vydańnie «Chołod».
Miesiac tamu mužčyna vykłaŭ videa, u jakim raskazaŭ, što štodnia spažyvaje kala 10 tysiač kiłakałoryj. U roliku Nujanzin pakazvaŭ svoj «zvyčajny racyjon»: na śniadanak — vypiečka i paŭtorta, na abied — 800 hramaŭ pielmieniaŭ z majanezam, na viačeru — burhier i dźvie maleńkija picy. Dniom jon pierakusvaŭ čypsami.
Da 18 listapada jaho vaha dasiahnuła 105 kiłahramaŭ, to bok jon nabraŭ nie mienš za 13 kiłahramaŭ za miesiac. Usiaho chłopiec płanavaŭ pavialičyć vahu na 25 kiłahramaŭ za dva miesiacy.
Pavodle znajomych mužčyny, 22 listapada Nujanzin pamior u śnie ad spynieńnia serca. Jamu było 30 hadoŭ, i tolki hod tamu jon ažaniŭsia.
Pry padobnych abstavinach, darečy, u vieraśni 2024 hoda ad spynieńnia serca pamior viadomy biełaruski bodzibiłdar Illa «Holem» Jefimčuk. Jon vykonvaŭ praktykavańni z ekstremalnymi vahami i spažyvaŭ štodnia kala 16,5 tysiač kiłakałoryj. Na momant śmierci spartsmien važyŭ 158 kiłahramaŭ pry roście 185 santymietraŭ.
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
Biełaruski bodzibiłdar, jaki charčavaŭsia siem razoŭ na dzień, pamior u 36 hadoŭ
Ciła pocisku ruki ŭ 50 hadoŭ moža pradkazać vaša zdaroŭje ŭ 70: vyniki daśledavańnia
Śmiarotnaść siarod moładzi Uschodniaj Jeŭropy raście nasupierak suśvietnym tendencyjam
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń80
Kamientary