Dva biełaruskija arkiestry sabrali anšłah na «patajemnym» vystupleńni
Dva biełaruskija arkiestry — Nacyjanalny akademičny narodny arkiestr Respubliki Biełaruś imia Iosifa Žynoviča i Simfaničny arkiestr Biełdziaržteleradyjokampanii — dniami «tajemna» sabrali poŭnuju zału. Niahledziačy na adsutnaść aktyŭnaj rekłamnaj kampanii, kancerty hetych muzykaŭ užo nie pieršy raz prachodziać z anšłaham, a addanyja prychilniki nastojvajuć na zachavańni «kułuarnaści», kab nie pravakavać ažyjataž z kvitkami, piša Telegraf.news.
Kadrami vystupleńnia dvuch arkiestraŭ na scenie Biełaruskaj dziaržaŭnaj fiłarmonii padzialiŭsia adzin z hledačoŭ u sacsietcy Threads, nazvaŭšy kancert «biełaruskim varyjantam Imperial Orchestra» — rasijskaha simfaničnaha arkiestra, viadomaha svaimi maštabnymi technałahičnymi muzyčnymi šou.
Repiertuar biełaruskich muzykaŭ u niekatorych prahramach, sapraŭdy, pierahukajecca z Imperial Orchestra. U pryvatnaści, na vykładzienym videa ŭ vykanańni biełaruskich muzykaŭ hučyć samaja viadomaja tema z pryhodnickaj sahi «Piraty Karybskaha mora» — kampazicyja He's a Pirate Kłaŭsa Badelta, spradziusavanaja Chansam Cymieram.
Karystalniki sacsietki nie skupilisia na zachoplenyja vodhuki i zaklikali bolš aktyŭna prasoŭvać muzyčny kalektyŭ.
Adnak mnohija piarečyli tym, chto patrabavaŭ dla kalektyvu aktyŭnaha prasoŭvańnia — nie tamu, što muzyka nie spadabałasia, a z bojazi, što tak na kancerty hetych vykanaŭcaŭ budzie zusim nie trapić.
Pa słovach addanych prychilnikaŭ Biełdziaržfiłarmonii, na ich kancerty kvitki zaŭsiody raskuplajuć da apošniaha, pryčym niaredka mocna zahadzia. Tak, pa słovach adnaho z hledačoŭ, na ich navahodniuju prahramu ŭžo «daŭno sold out».
«Dobra, što rekłamy niama. Poŭnaja zała, kvitkoŭ nie kupić. Jašče trochi — i budzie jak u Lalečny», — zrabiŭ zmročny (prynamsi dla hledačoŭ) prahnoz adzin z kamientataraŭ.
«Byli tyja, chto pryjechaŭ a 6‑j ranicy». Minčuki vystrailisia ŭ vializnuju čarhu, kab nabyć kvitki ŭ teatr
Pa kvitki na jaho śpiektakli hadzinami stajać u čerhach. Intervju z novym režysioram Teatra lalek
Maks Korž anansavaŭ vialiki kancert u niečakanym miescy
Hanna Bond plujecca ad kancerta Aleha Majami. Pasprabavała navat viarnuć hrošy
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ55
Kamientary