Łukašenka vydzieliŭ hrošy na padtrymku talenavitych studentaŭ. Kola znoŭ u śpisie
Pavodle rasparadžeńnia, jakoje 31 śniežnia minułaha hoda padpisaŭ Alaksandr Łukašenka, sa śpiecyjalnaha fondu 1 034 030,3 rubla buduć nakiravanyja na padtrymku talenavitych školnikaŭ i studentaŭ.
Prezidenckija stypiendyi atrymajuć 194 studenty vyšejšych navučalnych ustanoŭ. Jašče 38 pieramožcaŭ mižnarodnych alimpijad i konkursaŭ buduć uznaharodžanyja hran-pry i atrymajuć zvańnie łaŭreataŭ śpiecyjalnaha fondu.
Akramia taho, śpiecyjalnyja premii pryznačany 320 vučniam, kursantam i studentam.
Siarod tych, chto budzie sioleta atrymlivać śpiecyjalnuju stypiendyju dla adoranych studentaŭ, jość i proźvišča małodšaha syna Łukašenki Mikałaja, studenta 4‑ha kursa bijafaka BDU. Atrymlivaje jon jaje rehularna, pačynajučy z pačatku navučańnia.
Pamier hetaj stypiendyi na pieršy siemiestr 2025/2026 navučalnaha hoda składaŭ 251,99 rubla ŭ miesiac.
51 hrašovuju ŭznaharodu atrymajuć piedahohi i navukovyja rabotniki, jakija istotna paspryjali raźvićciu zdolnaściej adoranaj moładzi.
Taksama zvyš 100 tysiač rubloŭ vydzielena na padtrymku talenavitaj moładzi — pieramožcaŭ mižnarodnych muzyčnych konkursaŭ, a taksama mižnarodnych i respublikanskich mastacka-tvorčych spabornictvaŭ.
Kola Łukašenka znoŭ atrymaŭ stypiendyju ad svajho baćki
Łukašenka vypisaŭ svajmu małodšamu synu stypiendyju jak «talenavitamu studentu»
«U Zalivie tak pryniata». Ejsmant apraŭdałasia, čamu Łukašenka lotaŭ u Aman z synami
Siamiejnyja intaresy pierastali adździalacca ad dziaržaŭnych navat farmalna. Što chavajecca za paŭdniovym vajažam Łukašenki
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary