MUS abviarhaje, što indyjskaja žančyna trapiła ŭ Biełarusi ŭ pracoŭnaje rabstva, i vykłała ŭłasnuju viersiju jaje historyi
Ministerstva ŭnutranych spraŭ vystupiła z aficyjnym abviaržeńniem infarmacyi, što źjaviłasia raniej, pra traplańnie hramadzianki Indyi ŭ pracoŭnaje rabstva ŭ Biełarusi i niemahčymaść viarnucca na radzimu. Viedamstva śćviardžaje, što hetyja źviestki nie adpaviadajuć rečaisnaści, zapisaŭšy videa i z samoj žančynaj.
Jak paviedamili ŭ Departamiencie pa hramadzianstvie i mihracyi, 38‑hadovaja zamiežnica prybyła ŭ Biełaruś u listapadzie minułaha hoda z metaj pracaŭładkavańnia. Na padstavie kantrakta ź sielskahaspadarčym pradpryjemstvam joj vydali dazvoł na časovaje pražyvańnie i nibyta zabiaśpiečyli žyllom z usimi vyhodami, choć sama žančyna havaryła, što žyvie ŭ karoŭniku.
Adnak užo praz vosiem dzion, jak śćviardžajecca, pracoŭnyja adnosiny z najmalnikam byli spynienyja, paśla čaho dazvoł na časovaje pražyvańnie žančynie anulavali. Paśla hetaha jana vyjazdžała ŭ Rasiju, a zatym znoŭ viarnułasia ŭ Biełaruś.
Sama mihrantka ŭ videa patłumačyła, što ŭ Indyi ahient uziaŭ ź jaje za pracaŭładkavańnie ŭ Biełarusi 500 tysiač rupij (kala 5500 dalaraŭ), ale praca akazałasia nie takaja, na jakuju jana raźličvała. Kali ž jana pasprabavała ź im źviazacca, to telefon nibyta byŭ zabłakavany.
Ciapier žančynie, jak śćviardžaje MUS, akazvajecca nieabchodnaja dapamoha, u tym liku ŭ pytańniach arhanizacyi viartańnia na radzimu. Orhany ŭnutranych spraŭ pravodziać pravierku, kab vyśvietlić usie abstaviny jaje znachodžańnia ŭ krainie, a taksama ŭstanavić asob, datyčnych da jaje pracaŭładkavańnia.
Raniej historyja žančyny była ź jaje słoŭ apisanaja ŭ indyjskim vydańni Divya Bhaskar. Tam Mina Džošy raskazała, što jaje nakiravali ŭ Biełaruś z abiacańniem pracy pa ŭpakoŭcy sadaviny i štomiesiačnaha zarobku ad 70 000 da 80 000 rupij (2200—2500 rubloŭ). Adnak, pavodle jaje słoŭ, jana nie atrymała ni abiacanaj pracy, ni zarobku. Ciapier jana choča viarnucca ŭ Indyju, ale nie maje hrošaj na nabyćcio zvarotnaha bileta.
Udava ź Indyi kaža, što trapiła ŭ biadu ŭ Biełarusi i jaje trymajuć u niejkim karoŭniku
Impart ludziej: Biełaruś hadami plažyła Jeŭropu za mihrantaŭ, ciapier sama džhaje tym ža šlacham
Biełarusam zahadali bolš naradžać i žyć daŭžej. Ale jak vyrašyć prablemy z demahrafijaj?
MUS ahučyła ličby, kolki ŭ Biełaruś pryjazdžaje pracoŭnych mihrantaŭ
Sioleta ź Biełarusi departavali bolš za 3,6 tysiačy zamiežnikaŭ
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Škada čałavieka.