Biełarusy Vilni źbirajuć podpisy ŭ abaronu mahčymaści navučać dziaciej pa-biełarusku
Reforma ŭ školnaj sistemie moža pryvieści da zakryćcia adzinaj u stalicy Litvy biełaruskamoŭnaj himnazii imia Francyska Skaryny. Asacyjacyja biełaruskich baćkoŭ Litvy prosić pastavić svoj podpis za zachavańnie adukacyi na rodnaj movie.
Nahodaj stali płany vilenskich uładaŭ pa refarmavańni školnaj sietki, jakija mohuć pastavić pad pahrozu isnavańnie adzinaj u horadzie biełaruskamoŭnaj navučalnaj ustanovy — Vilenskaj himnazii imia Franciška Skaryny.
Sutnaść prapanavanych źmien palahaje ŭ tym, kab dzieci zamiežnikaŭ, jakija pryjazdžajuć u krainu, nakiroŭvalisia vyklučna ŭ litoŭskamoŭnyja škoły. Na dumku inicyjataraŭ reformy, heta pavinna paskoryć intehracyju mihrantaŭ.
Adnak baćki i hramadskija aktyvisty aścierahajucca, što zabarona na pryjom novych vučniaŭ bieź litoŭskaha hramadzianstva pryviadzie da źniknieńnia biełaruskich kłasaŭ i kančatkovaha zakryćcia himnazii.
28 studzienia adbudziecca pasiadžeńnie Vilenskaj haradskoj rady, na jakim mohuć pryniać źmieny da Paradku pryjomu ŭ ahulnaadukacyjnyja škoły horada Vilni. U hetym vypadku hramadzianie inšych krain z časovymi i stałymi dazvołami na žycharstva zmohuć addavać dziaciej tolki ŭ pačatkovyja škoły ź litoŭskaj movaj vykładańnia.
U suviazi z hetym padrychtavany zvarot da Vilenskaj haradskoj rady z prośbaj dazvolić dzieciam biełarusaŭ zachavać vybar – iści ŭ škoły ź litoŭskaj movaj adukacyi ci vučycca na biełaruskaj movie ŭ himnazii Skaryny.
Asacyjacyja zaklikaje padtrymać hetu inicyjatyvu i pakinuć svoj podpis pa spasyłcy (tut taksama možna znajści poŭny tekst zvarotu).
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam5
Kamientary