«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
Kandydat ad pravapapulisckaj partyi «Alternatyva dla Hiermanii» paraŭnaŭ premjerku ziamli Mieklenburh-Piaredniaja Pamieranija z Łukašenkam — «jedźcie ŭ Minsk».
Kandydat ad partyi «Alternatyva dla Hiermanii» (AdH) Robiert Šnel spravakavaŭ skandał, zaklikaŭšy adpravić kiraŭnicu ziamli Mieklenburh-Piaredniaja Pamieranija ŭ Minsk. Na partyjnym źjeździe jon abvinavaciŭ Manuełu Šviezih u dyktatarskich mietadach baraćby z apazicyjaj i zajaviŭ, što jana mahła b stać «ministram prapahandy» ŭ Alaksandra Łukašenki, piša BILD.
«Premjer-ministr, jaki choča dyktavać apazicyi, jakoj kolkaści ludziej dazvolena naviedvać demanstracyi, pavinien adpravicca ŭ Minsk u jakaści ministra prapahandy. Ja dumaju, Łukašenka ŭsio jašče šukaje tam niekalki čałaviek. Tady nam bolš nie pryjdziecca ź joj tut mirycca», — zajaviŭ Šnel.
Vystup byŭ sustrety apładysmientami partyjcaŭ, paśla čaho Šnel atrymaŭ 169 hałasoŭ z 250 i byŭ abrany na prachadnoje dziaviataje miesca ŭ śpisie AdH.
Usiaho AdH farmuje śpis z 50 kandydataŭ na vypadak mahčymaha prychodu da ŭłady ŭ rehijonie. Pavodle apošnich apytańniaŭ, partyja nabiraje ŭ Mieklenburhu-Piaredniaj Pamieranii kala 38%, značna apieradžajučy SDPH Manueły Šviezih, partyja jakoj kiruje fiederalnaj ziamloj užo 27 hadoŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary
Ale navat dla pravaj prarasiejskaj partyi Hiermanii łuka i jahony Neue Ordnung vyhladaje krynžom. U 30-ja łukašystaŭ vyhnali b z hiestapa za žorstkaść.