Naŭsieda: Vieru, što adnojčy pieramohuć i demakratyčnyja siły našych susiedziaŭ — biełarusaŭ
Padčas imšy ŭ Kafiedralnym sabory ŭ Vilni, pryśviečanaj hadavinie paŭstańnia 1863—1864 hadoŭ, prezident Litvy Hitanas Naŭsieda zajaviŭ, što namahańni paŭstancaŭ adkryli šlach novym formam supracivu, a tradycyja svabody nazaŭždy adździaliła litoŭcaŭ, palakaŭ, ukraincaŭ i biełarusaŭ ad Rasii, piša LRT.
Naŭsieda padkreśliŭ, što prykład Ukrainy pakazvaje: imknieńnie da svabody niemahčyma pieramahčy.
«Mienavita atrymanaja ŭ spadčynu tradycyja svabody nazaŭždy adździaliła našy narody — litoŭcaŭ, palakaŭ, ukraincaŭ, biełarusaŭ — ad Rasii, jakaja prykładała ŭsie namahańni, ale tak i nie zmahła razburyć hetuju niabačnuju, ale nadzvyčaj tryvałuju miažu», — zajaviŭ Naŭsieda.
Pavodle słoŭ prezidenta, imknieńnie da svabody supravadžała prodkaŭ ad adnaho paŭstańnia da inšaha, dapamahała pieražyć novyja chvali represij, prymusovaj indaktrynacyi i źniščeńnia nacyjanalnaj identyčnaści. Pavodle jaho słoŭ, toje ž abaviazacielstva pierad svabodaj zachoŭvajecca i pa hety dzień.
«Siońnia my bačym heta najbolš vyrazna ŭ baraćbie Ukrainy. (…) Prykład Ukrainy najbolš jasna pakazvaje, što sapraŭdnaje, ščyraje imknieńnie da svabody niemahčyma złamać. Adnojčy vyrvaŭšysia jak mahutnaja siła, jano pakidaje niezabyŭny śled u sercach i dumkach ludziej. Zabojstvy, represii i prapahandyscki cisk tolki jašče bolš zhurtujuć, uzmacniajuć rašučaść supraciŭlacca i nabližajuć pieramohu. Jak ja vieru, adnojčy pieramohuć i demakratyčnyja siły našych susiedziaŭ — biełarusaŭ», — padkreśliŭ Naŭsieda.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary