Pobač ź Mirskim zamkam pradajecca cikavaja siadziba. Možna žyć samomu abo zdavać u arendu
Za dva kiłamietry ad Mirskaha zamka pradajecca ahrasiadziba «Mirskija krynicy». Pieravah u takoha zaharadnaha kompleksu šmat: heta i malaŭničaja miascovaść, i ŭnikalnaja łakacyja, i hatovaje miesca dla žyćcia abo biznesu, piša Realt.by.
Siadziba raźmieščana ŭ vioscy Harački Karelickaha rajona. Hety nasieleny punkt akružajuć lasnyja masivy, niepadalok ciače raka Miranka, a prosta pobač z kompleksam raście dub, uzrost jakoha pieravyšaje 400 hadoŭ.
Na terytoryi ahrasiadziby raźmieščany adrazu try kapitalnyja damy. Usie jany byli pabudavany ŭ 2018 hodzie. Asnoŭny dom z mansardaj maje płošču 64 kvadratnyja mietry. Źniešnija ścieny i azdableńnie vykanany z naturalnaj draŭniny, padłoha pakładziena z naturalnaj doški i plitki, na dachu — mietaładachoŭka.
U hałoŭnym domie abstalavana pieč-kamin, jość elektraaciapleńnie, vodanahravalnik i kandycyjanier. Na pieršym paviersie znachodzicca kuchnia z usioj bytavoj technikaj (indukcyjnaja plita, pasudamyjnaja mašyna), prastornaja zała z utulnym kaminam i raździelny sanvuzieł. Na druhim paviersie abstalavany dźvie spalni. Usie pamiaškańni ŭžo ŭtulna abstaŭleny.
Płošča kožnaha haściavoha domika składaje 30 kvadratnych mietraŭ. U damach — ciopłaja padłoha i prastornyja terasy. Uvieś kompleks raźmieščany na ŭčastku płoščaj 65 sotak. Na terytoryi ŭžo jość pładovyja nasadžeńni, a taksama dziciačaja placoŭka, zona barbiekiu i inšyja dadatkovyja pabudovy dla kamfortnaha adpačynku.
Akramia damoŭ dla pražyvańnia, tut jość letniaja kuchnia ź piečču, bytavoj technikaj i sanvuzłom. Viadoma, majecca i altanka ŭmiaščalnaściu da 30 čałaviek, raźličanaja na vialikija mierapryjemstvy. Nie zabylisia i pra łaźniu z saunaj i kupiellu z vyhladam na navakolle.
U abjavie adznačajecca, što ahrasiadziba znachodzicca ŭ nievialikaj cichaj viosačcy na ŭskrajku Nalibockaj puščy. Hetyja miaściny, dzie niekalki stahodździaŭ tamu byli palaŭničyja ŭhodździ kniazioŭ Radziviłaŭ, dajuć mahčymaść poŭnaha zahłybleńnia ŭ pryrodu, cišyniu i spakoj. Pakolki zusim pobač praciakaje raka Miranka, u pierśpiektyvie tut možna ŭładkavać bierahavuju liniju dla siezonnaha adpačynku.
Siadziba padydzie jak dla asabistaha kruhłahadovaha pražyvańnia, tak i dla viadzieńnia turystyčnaha biźniesu. Kompleks pradajuć za 185 tysiač dalaraŭ. Adznačajecca, što ŭłaśnik razhladaje jak čysty prodaž, tak i abmien na kvateru ŭ Minsku.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski24
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary