Tramp u razmovie ź Zialenskim skazaŭ, što choča, kab vajna skončyłasia jak maha chutčej, naprykład, praź miesiac
Razmova prajšła pryjazna i pazityŭna.
Vydańnie Axios sa spasyłkaj na ananimnyja krynicy raspaviało dadatkovyja padrabiaznaści telefonnaj razmovy prezidentaŭ Ukrainy i ZŠA, pra jakuju raniej siońnia paviedamlali karespandent Axios Barak Ravid i aparat Uładzimira Zialenskaha.
Zialenski razmaŭlaŭ z Donaldam Trampam upieršyniu paśla ich sustrečy ŭ Davosie ŭ kancy studzienia. Razmova praciahvałasia 30 chvilin.
Try krynicy Axios skazali, što Vydańnie apisvaje hetyja krynicy jak ukrainskuju aficyjnuju asobu i jašče dvuch abaznanych ludziej.
Pa dadzienych Axios, u zvanku taksama prymali ŭdzieł śpiecpasłancy Trampa Styŭ Uitkaf i Džared Kušnier.
Abodva ŭ čaćvier buduć u Ženievie, dzie ŭ ich zapłanavana sustreča z ukrainskaj delehacyjaj na čale z sakratarom Savieta nacyjanalnaj biaśpieki i abarony Rustemam Umieravym.
Asobna Kušnier i Uitkoaf «mohuć» sustrecca ŭ Ženievie z rasijskim śpiecpradstaŭnikom Kiryłam Dźmitryjevym, raskazaŭ adzin z surazmoŭcaŭ Axios. Raniej pra heta ž paviedamlała rasijskaje dziaržaŭnaje ahienctva TASS sa spasyłkaj na ananimnuju krynicu.
Pa słovach krynic, Zialenski, pavodle zvyčki, padziakavaŭ Trampu za dapamohu i skazaŭ, što tolki amierykanski prezident moža prymusić rasijskaha prezidenta Uładzimira Pucina spynić vajnu.
«Zatym Zialenski skazaŭ, što spadziajecca, što vajna skončycca ŭ hetym hodzie, a Tramp adkazaŭ, što vajna praciahvajecca zanadta doŭha i jon by chacieŭ, kab jana skončyłasia praź miesiac», — pierakazaŭ adzin z krynic Axios.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary