Sinoptyk Dźmitryj Rabaŭ u efiry ANT raskazaŭ, jakim budzie nadvorje ŭ Biełarusi z 16 pa 22 sakavika.
Pa słovach Dźmitryja Rabava, viasna stanie pastupova ŭmacoŭvacca, a tempieratura pavietra ŭ siarednim budzie na 4—6 hradusaŭ vyšejšaj za klimatyčnuju normu. Śnieh budzie chutka rastavać, i da kanca tydnia jon moža zastacca tolki ŭ krajnich uschodnich i paŭnočna-ŭschodnich rajonach krainy.
U paniadziełak, 16 sakavika, nadvorje ŭ asnoŭnym budzie suchim dziakujučy antycykłonu i ciopłym pavietranym masam z paŭdniovaha zachadu Jeŭropy. Tolki na zachadzie mahčymyja karotkija viasnovyja daždžy. Nočču tempieratura składzie ad —1 da +4°C, a ŭdzień pavietra prahrejecca prykładna ad +9 na ŭschodzie da +14 na paŭdniovym zachadzie. Ranicaj i nočču mahčymyja tumany.
U aŭtorak, 17 sakavika, na ŭschodzie krainy zachavajecca ŭpłyŭ antycykłonu, tamu budzie mała abłokaŭ i bieź istotnych apadkaŭ. Na zachadzie mahčymyja karotkija daždžy. Nočču tempieratura składzie ad —1 da +5 °C, udzień — ad +6 da +12 °C.
U siaredzinie tydnia krychu pachaładnieje z-za cykłonu, jaki pryjdzie z paŭnočna-ŭschodniaj Jeŭropy. Značnych apadkaŭ nie čakajecca, ale ranicaj mahčymyja hustyja tumany. Nočču budzie ad —1 da +4 °C, udzień — prykładna ad +5 na paŭnočnym uschodzie da +12 na zachadzie.
U čaćvier, 19 sakavika, umovy zastanucca padobnymi: bieź istotnych apadkaŭ, ale z tumanami. Nočču čakajecca ad —1 da +3°C, udzień — ad +5 na ŭschodzie da +12 na zachadzie krainy.
U piatnicu, 20 sakavika, praź Biełaruś projdzie atmaśfierny front, jaki pryniasie karotkačasovyja apadki. Nočču i ranicaj znoŭ mahčymyja tumany. Tempieratura nočču składzie ad —1 da +4°C, udzień — ad +6 na paŭnočnym zachadzie i ŭ centry da +12 na paŭdniovym uschodzie.
U vychadnyja nadvorje budzie bolš źmienlivym. U subotu, 21 sakavika, mahčymyja nievialikija daždžy i miescami mokry śnieh. Nočču tempieratura apuścicca ad +3 da —2 °C, udzień budzie prykładna ad +9 na Brestčynie da +13 na Homielščynie.
U niadzielu, 22 sakavika, dziakujučy antycykłonu nadvorje stanie spakojnym i pieravažna biez apadkaŭ. Nočču mahčymyja słabyja marazy da —2 °C i tumany. Udzień tempieratura składzie ad +9 na ŭschodzie da +13 u Bresckaj i Hrodzienskaj abłaściach.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary