Łukašenka: Biełaruś zacikaŭlena ŭ zachavańni dobrych adnosinaŭ z Hiermanijaj
Biełaruś zacikaŭlena ŭ zachavańni dobrych adnosinaŭ z Hiermanijaj, zajaviŭ Alaksandr Łukašenka 1 lipienia na sustrečy z Hiebchartam Vajsam z nahody zaviaršeńnia jaho misii pasła Hiermanii.
Jak paviedamlaje pres‑słužba prezidenta, kiraŭnik dziaržavy vykazaŭ Vajsu padziaku »za imknieńnie palepšyć biełaruska‑hiermanskija i ŭ cełym biełaruska‑ieŭrapiejskija adnosiny». «My viedajem ciažkaści vašaj prafiesii, vašaj pracy z‑za niekatorych prablem, što isnujuć u Biełaruś ź Jeŭrapiejskim sajuzam, — adznačyŭ Łukašenka. — Vy — toj pasoł, jaki imknuŭsia zrabić lepšaje dla krainy znachodžańnia, dla biełaruska‑hiermanskich adnosinaŭ, biełaruska‑ieŭrapiejskich adnosinaŭ. My heta bačyli i ŭdziačnyja vam za heta».
Źviartajučysia da dypłamata, prezident padkreśliŭ, što ŭ Biełarusi jon »čałaviek nie čužy». «Ja nie z usimi pasłami sustrakajusia paśla zaviaršeńnia ich dypmisii. Sam fakt sustrečy havoryć pra toje, što ŭ Biełarusi vas razumiejuć i pavažajuć», — padkreśliŭ Łukašenka.
Hiebchart Vajs u svaju čarhu adznačyŭ, što «Biełaruś stała blizkaj jaho sercu», jon pavažaje «jaje žycharoŭ, historyju». Dypłamat u cełym paśpiachova aceńvaje svaju pracu ŭ Biełarusi. »Kali pahladzieć nazad, mahu skazać, što niejkija pośpiechi byli. Pa roznych paramietrach prahres byŭ. I kali ja moh krychu hetamu sadziejničać, to heta prynosić mnie radaść», — cytuje dypłamata pres‑słužba prezidenta.
Vajs pracavaŭ u Biełarusi ź lipienia 2007 hoda.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio45
Kamientary