U rajonnym sudzie ŭ Biełastoku (Polšča) 27 lipienia pačaŭsia razhlad spravy hramadzianina Biełarusi Andreja Žukaŭca. Jaho abvinavačvajuć u machlarstvie pry atrymańni amal 700 tysiač dalaraŭ kredytu ŭ dvuch biełaruskich bankach.
Andreja Žukaŭca sudziać u Polščy paśla admovy vydačy jaho Biełarusi. Raniej polski bok admoviŭ u ekstradycyi Žukaŭca z uvahi na jaho apazicyjnuju dziejnaść i na toje, što ŭ Biełarusi, na dumku polskaha boku, jaho čakaje niespraviadlivy praces.
Žukaviec byŭ zatrymany ŭ Biełastoku ŭ 2001 hodzie vypadkova: padčas kantrolu palicejskimi vyśvietliłasia, što jon u Biełarusi znachodzicca ŭ vyšuku ŭ suviazi ź finansavymi machinacyjami. Zatrymanaha čakała ekstradycyja, adnak u sudzie jon pradstaviŭ fakty svajoj suviazi ź biełaruskaj apazicyjaj.
Sprava ŭžo była ŭ sudzie ŭ 2006 hodzie, ale tady sud pastanaviŭ, što śledčyja pavinny sabrać dadatkovy materyjał pa spravie.
Andrej Žukaviec svajoj viny nie pryznaje. Na jahonuju dumku, abvinavačvańni sfalšavanyja, a pradstaŭlenyja biełaruskim bokam dakumienty źjaŭlajucca tolki kopijami, a aryhinałaŭ niama. Jon baronicca samastojna, biez advakata, vydatna vałodaje polskaj movaj i nie patrabuje pierakładčyka. Taksama Žukaviec padaŭ svoj pazoŭ u sud u suviazi z pamyłkami ŭ pierakładzie dakumientaŭ, datyčnych pracesu.
Pobač z Łukašenkam na chakiei źjaviłasia novaja pryhažunia10
Kamientary