«Supiernik Łukašenki — palak»

Artykuł, što źjaviŭsia ŭ polskaj haziecie Rzeczpospolita, — adzin z šerahu padobnych, dzie asablivaja ŭvaha nadajecca polskamu pachodžańniu adnaho z kandydataŭ na post prezidenta Biełarusi — Jarasłava Ramančuka.

Za post prezidenta na budučych prezidenckich vybarach u Biełarusi budzie zmahacca palak z pachodžańnia, ekanamist Jarasłaŭ Ramančuk, piša hazieta.

Ja. Ramančuk naradziŭsia ŭ Sapockinie Hrodzienskaha rajona, i na małoj radzimie maje reputacyju čałavieka, jaki zrabiŭ ašałamlalnuju karjeru, choć nikoli nie zajmaŭ vysokich dziaržaŭnych pasadaŭ, a jaho dachody (kala $400 u miesiac) paraŭnalnaja ź siarednimi pa krainie. U Sapockinie niama čałavieka, jaki b nie chvaliŭsia, što «naš Jaryk budzie zmahacca z Łukašenkam za pasadu prezidenta».

Z prahramaj

U aficyjna jašče nie abvieščanaj, ale ŭžo aktyŭna ładžanaj apazicyjnymi kandydatami prezidenckaj kampanii Ramančuk vystupaje z prahramaj «Miljon novych pracoŭnych miescaŭ dla Biełarusi». Pa słovach Ramančuka — prychilnika svabodnaha rynku —

reformy, praviedzienyja im, za dva hady mohuć pavialičyć siaredni zarobak u Biełarusi da $600 (Alaksandr Łukašenka abiacaŭ $500 da kanca hoda).

U hieapalityčnych pytańniach Ramančuk źjaŭlajecca prychilnikam partniorstva z Rasijaj, Ukrainaj i ES. Adsutnaść antyrasijskich łozunhaŭ u jaho prahramie i ładžanyja im mierapryjemstvy mohuć śviedčyć pra niebłahija šancy hetaha kandydata być padtrymanym Kramlom, jaki ŭsio bolš kanfliktuje z Łukašenkam. Takoha kštałtu śpiekulacyi raspaŭsiudzilisia, kali Labiedźka i Ramančuk sustrelisia ŭ Maskvie z upłyvovymi rasijskimi palitykami — Anatolem Čubajsam i ministram finansaŭ Alaksiejem Kudrynym.

Hanarycca karaniami

U vykazvańniach palitykaŭ pra Ramančuka i artykułach žurnalistaŭ redka zhadvajecca jaho nacyjanalnaść. Miž tym, jon nikoli nie chavaŭ, što jon palak. U adnym ź intervju jon pryznaŭsia, što za savieckaj uładaj jaho praz polskaje pachodžańnie nie pryniali va ŭniviersitet, jaki rychtavaŭ vajskoŭcaŭ. Ramančuk adnym ź pieršych ustupiŭ u 1989 u paŭstały Sajuz palakaŭ Biełarusi (u toj čas — Abjadnańnie imia Elizy Ažeški). Paśla kanfliktu Sajuza palakaŭ z uładami adnaznačna zaniaŭ bok niepryznanaj uładami arhanizacyi. Dekłaruje prychilnaść da katalicyzmu.

Hutarka ź Jarasłavam Ramančukom

Nie miarkujcie pra mianie zychodziačy z majho pachodžańnia, — kaža Jarasłaŭ Ramančuk, kandydat na pasadu prezidenta Biełarusi ad apazicyjnaj Abjadnanaj hramadzianskaj partyi.

— Apazicyja nie admaŭlajecca ad mahčymaści vyłučeńnia adzinaha kandydata na blizkich prezidenckich vybarach. Jak vy aceńvajecie svaje šancy na toje, kab stać pradstaŭnikom usioj biełaruskaj apazicyi?

Jarasłaŭ Ramančuk: Ja liču, što maju najlepšyja šancy, tamu što siarod mnohich apazicyjnych palitykaŭ, jakija zajavili pra žadańnie ŭdzielničać u vybarach, na heta realna mohuć raźličvać tolki try čałavieki. Akramia mianie, heta Alaksandr Milinkievič i Uładzimir Niaklajeŭ. I kali apazicyi patrebny novy tvar na vybarach, maja kandydatura padychodzić idealna.

— Niahledziačy na toje, što Vy palak i siabra niepryznanaha ŭładami Sajuza palakaŭ Biełarusi?

— Toje, što ja palak, pieraškadžaje tolki zaciatym nacyjanalistam, ale nie narmalnym ludziam, biełarusam, jakija aceńvajuć palityka pa jahonaj prahramie, jaho pohladach i ŭčynkach, a nie pa etničnym pachodžańni. Majo siabroŭstva ŭ Sajuzie palakaŭ Biełarusi moža być vykarystanaje suprać mianie z boku dziaržaŭnaj prapahandy. Pakul, adnak, takoha nie było.

— Vy i Vašaja partyja majecie ciesnyja kantakty z rasijskimi palitykami. A jakija polskija hrupoŭki Vam najbližejšyja?

— U Maskvie ŭ nas jość partniory i siabry, asabliva ŭ demakratyčnym asiarodździ, ad jakoha zychodzić krytyka na adras Kramla. Što da Polščy, to naša partyja ŭžo daŭno maje partniorskija stasunki z «Hramadzianskaj płatformaj», ale možna taksama kazać i pra paśpiachovaje supracoŭnictva z «Pravam i spraviadlivaściu». My vielmi radyja, što hetyja dźvie asnoŭnyja palityčnyja siły Polščy, jakija kankurujuć pamiž saboj, majuć adnolkavy padychod da prablemy palakaŭ u Biełarusi i prablemy demakratyi ŭ Biełarusi.

• 0
• 0
• 0
• 0
• 0
• 0
• 0
• 0