Jak biełaruskija ŚMI adreahavali na film «Chrosny baćka — 3»

«Narodnaja vola»

Za niekalki dzion da vychadu filma, na sajcie haziety byŭ źmieščany anons, a paśla vychadu, redakcyja pieradrukavała mini-apytańnie radyjo «Svaboda» nakont prablem, što byli zakranuty ŭ filmie. U jakaści ekśpiertaŭ vystupili Leanid Złotnikaŭ, Anatol Labiedźka i Uładzimir Niaklajeŭ. Nievialikim dadatkam da materyjału stała pytańnie adnaho z čytačoŭ, ci budzie film vydadzieny kampanijaj «Za svabodu». Ciapier ža na sajcie źmieščana videa filma, a taksama anatacyja da jaho — krynicaj słužyć sajt «Našaj Nivy». U pryncypie, «Narodnaja Vola» na staronkach sajta raźmiaščaje materyjały pra sieryjał «Chrosny baćka», ale zbolšaha heta pieradrukavanyja artykuły i kamientary, aŭtarskich materyjałaŭ pra treciuju — samuju skandalnuju častku, napisana tak i nie było.

«BiełHazieta»

Cikavaść u «BiełHaziety» vyklikaŭ pieršy «Chrosny baćka», pra jakoha byŭ napisany vialiki analityčny artykuł. Jaho aŭtar — Viktar Marcinovič — piša pra krynicy, ź jakich ludzi daviedvajucca pra film, uzhadvaje tuju samuju akcyju BRSM, jakaja i na pohlad «BiełHaziety» dadała cikavaści da filmu, chacia, zrazumieła, heta nie było metaj arhanizataraŭ. Uzhadvajecca i vypusk «NN», što nie dajšoŭ da šapikaŭ. Tut aŭtar zaznačaje, što biełaruskija ŭłady zrabili ŭsio mahčymaje, kab zacikavić biełarusaŭ prahladam filmu. Skančvajecca artykuł razvahami aŭtara na temu dalejšych pavodzin Rasii ŭ dačynieńni da biełaruskich vybaraŭ. Apošniaja fraza hučyć amal panična: «Adzinaja roźnica pamiž Ukrainaj, Hruzijaj i Biełaruśsiu — u tym, što za Ukrainaj i Hruzijaj u ich supraćstajańni z Rasijaj stajać ZŠA i Jeŭraźviaz, a za nami — nikoha, naohuł nikoha! Tolki my sami! Ci vystaim?» Bolš ni pra adnu sieryju «Baćki» u haziecie padrabiaznych materyjałaŭ nie było.

«Kamsamolskaja praŭda»

U «Kamsamołcy» nie vielmi aktyŭna, ale ŭsio ž taki kamientujecca kožnaja novaja sieryja i nie adzin raz — jak i na sajcie haziety, tak i ŭ błohach. Adzinaje, što pra treciuju častku pakul što ničoha nie napisana, ale ŭsio śviedčyć pra toje, što infarmacyja ŭ chutkim časie źjavicca. Materyjały pra filmy adnosna nievialikija. Pra pieršuju častku filma dyk uvohule byŭ razhornuty materyjał — «Kino i Baćka», ale «Kamsamołka» nie biarecca razhladać asobnym analityčnym materyjałam kožny nastupny vypusk — bo pieršaja častka, nasamreč, była niečym novym, a kali «Baćku» pastavili na koły sieryjału, «Kamsamołka» častkova straciła cikavaść da jaho.

«Biełaruskija naviny»

Partał naviny.by adhuknuŭsia na film artykułam Alaksandra Kłaskoŭskaha «Maskva zakusiła vusny» i abiacaje pavyšeńnie hradusa infarmacyjnaj vajny pry nabližeńni da prezidenckich vybaraŭ. Iznoŭ ža ŭzhadvajecca statystyka, pavodle jakoj, film «Chrosny baćka» pahladzieŭ kožny siomy hramadzianin Biełarusi. U jakaści ekśpiertaŭ, jakija kamientujuć źmiest filmu, prysutničajuć analityk-mižnarodnik Andrej Fiodaraŭ, Aleś Łahviniec i Uładzimir Niaklajeŭ.

Artykuł «Navinaŭ» nie stolki zasiarodžvajecca na filmie, kolki na pytańni chto pieramoža ŭ infarmacyjnaj vajnie, i ci mahčymy kirhizski scenar u Biełarusi. Na abodva pytańni adkaz chutčej admoŭny — Biełaruś usio ž bolš samadastatkovaja kraina čym Kirhizija.

Lider BNF Ryhor Kastusioŭ taksama adhuknuŭsia na sieryjał kałonkaj na «Navinach». U pryvatnaści ŭ jahonym artykule «„Handuraski sieryjał“: jak pravilna hladzieć „Chrosnaha baćku-3“» prachodzić dumka: «Tyja, chto biezadkazna sprabuje skarystać rasijski čyńnik u jakaści zbroi dziela palityčnaj baraćby ŭnutry Biełarusi na majučych adbycca prezidenckich vybarach, sami robiacca pamahatymi rasijskaha impieryjalizmu».

Aficyjnyja ŚMI

Aficyjnaj reakcyi na vychad treciaj častki sieryjała — ihnaravańnie ŭ hetym vypadku, badaj što lepšy srodak nie rabić dadatkovaj papularnaści filmu, jaki lažyć u adkrytym dostupie ŭ Internecie.

• 0
• 0
• 0
• 0
• 0
• 0
• 0
• 0