Hałoŭnym vynikam 23-ha tura čempijanatu Biełarusi pa futbole stałasia toje, što koła pretendentaŭ na čempijonstva zvuziłasia da troch klubaŭ. Letašni čempijon salihorski «Šachtar», vidać, užo nia zmoža pazmahacca za zołata pieršynstva.
Hałoŭnym vynikam 23-ha tura čempijanatu Biełarusi pa futbole stałasia toje, što koła pretendentaŭ na čempijonstva zvuziłasia da troch klubaŭ. Letašni čempijon salihorski «Šachtar», vidać, užo nia zmoža pazmahacca za zołata pieršynstva. «Harniaki» ŭ haściach minimalna sastupili žodzinskamu «Tarpeda» – 0:1. Na 63-j chvilinie hulni hoł zabiŭ małady napadnik «aŭtazavodcaŭ» Raman Łazierka. Jašče tearetyčna salihorcy majuć šancy na čempijonstva, ale na praktycy zrabić toje amal niemahčyma. Žodzincy, dziakujučy pieramozie, amal zarezervavali sabie miesca ŭ elicie naleta.
Zatoje z najvyšejšaj lihi ŭžo dakładna vylataje babrujskaja «Biełšyna». Niebaraki-«šyńniki» prajhrali i na hety raz. Ciapier ichnimi kryŭdzicielami vystupiła ždanovickaja «Daryda», jakuju na pole vyvieŭ novy hałoŭny trener; matč skončyŭsia z vynikam 1:0.
Druhim niaŭdačnikam čempijanatu ryzykuje stać mienski «Lakamatyŭ». Čyhunačniki biez varyjantaŭ sastupili lideru čempijanatu – barysaŭskamu BATE ź likam 4:2. U pieramožcaŭ chiet-tryk zrabiŭ Hienadź Bliźniuk.
U pahoni za barysaŭcami praciahvajuć iści dva mienskija kluby – «Dynama» i MTZ-RIPA. Abodva ŭ niadzielu ŭziali vierch nad svaimi supiernikami. «Dynamaŭcy» razhramili doma «Homiel» 4:1. Dubl aformiŭ Edu. A «traktarazavodcy» na svaim stadyjonie adužali mahiloŭski «Dniapro» – 3:1. Darečy, mahiloŭcy zaraz akazalisia ŭ niezajzdrosnym stanoviščy. Za zachavańnie prapiski ŭ elicie ich jašče čakajuć niežartoŭnyja bai.
Astatnija matčy turu skončylisia nastupnym čynam: «Dynama» (Bieraście) – «Lakamatyŭ» (Viciebsk) 0:0, «Nioman» – «Naftan» 2:3.
Turnirnaja tablica paśla 23 turaŭ vyhladaje nastupnym čynam:
1. BATE – 50 punktaŭ;
2. MTZ-RIPA – 45;
3. «Dynama» (Miensk) – 45;
4. «Šachtar» – 42;
5. «Homiel» – 40...
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary