Abaroncy kaścioła hałasavali, ci praciahvać akcyju
Na dvaccaty dzień praviadzieńnia hramadzkich akcyjaŭ kala kaściołu śviatoha Jazepa i klaštaru bernardyncaŭ abaroncy hałasavali, što rabić dalej: spyniać akcyi ci praciahvać.
Pryčynaj dla takoha kardynalnaha vybaru ŭ losie hramadzianskaj kampanii abarony kaściołu stali mierkavańni aficyjnych ustanoŭ i katalickaha kaściołu adnosna inicyjatyvy viartańnia chramu viernikam. Budaŭniki, jakija viaduć pierabudovu klaštaru, deputaty Nacyjanalnaha schodu, a taksama vysokija čynoŭniki z Administracyi prezydenta nie paradavali svaimi adkazami: pracy buduć praciahnutyja, pra pierajezd archivu i pieradaču chramu viernikam niama i havorki.
Zrešty, jak skazaŭ sustaršynia partyi BCHD i adzin z arhanizataraŭ kampanii abarony kaściołu Pavał Sieviaryniec, «inšaha ad ich i nie čakali». Rasčaravała abaroncaŭ reakcyja archibiskupa Tadevuša Kandrusieviča, jaki ŭ interviju hazecie «Sovietskaja Biełoruśsija», jak ličać aktyvisty, ich nie padtrymaŭ. Adkazvajučy na pytańnie pra los kaściołu, archibiskup Kandrusievič zhadaŭ niadaŭniuju historyju ŭ Polščy, kali maładyja ludzi ŭstalavali ŭ Varšavie kryž u pamiać pra zahinułaha prezydenta Lecha Kačyńskaha, a potym zapracivilisia pieranosu kryža ŭ inšaje miesca. Sieviaryniec pracytavaŭ archibiskupa Kandrusieviča:
«Kryž, zamiest taho, kab stać symbalem adzinstva, raskałoŭ krainu. Tady vystupili polskija biskupy z prośbaj da tych, chto prychodziŭ na płošču, nie palityzavać kryž. Adnosiny carkvy i palityki zaŭsiody składalisia nialohka».
Abaroncaŭ kaściołu nie zadavoliła takaja reakcyja. Jany paličyli, što kaścioł admaŭlajecca ad baraćby za hety chram.
Tamu i było pastaŭlena na hałasavańnie: spyniać akcyju, praciahvać, ci praciahvać, ale ź inšaj farmuloŭkaj — pra viartańni chramu nia peŭnaj katalickaj kanfesii, a chryścijanam. Maŭlaŭ, paźniej stanie zrazumieła, kamu mienavita. Za hety varyjant i prahałasavała bolšaść abaroncaŭ.
Darečy, siońnia da staražytnych muroŭ pryjšło abaroncaŭ jak nikoli — bolej za 50 čałaviek. Mahčyma, adnoj z pryčynaŭ napłyvu ludziej stała toje, što pierad im mieŭsia vystupić viadomy piśmieńnik Uładzimier Arłoŭ.
Uładzimier Arłoŭ prapanavaŭ pieranieści archiŭ, jaki ciapier znachodzicca ŭ budynku kaścioła śviatoha Jazepa, u Nacyjanalnuju biblijateku— da taje pary, pakul nia budzie pabudavana ci znojdziena asobnaje pamiaškańnie. A chram śviatoha Jazepa, jak ličyć piśmieńnik, musić naležać viernikam.
Uładzimier Arłoŭ padpisaŭ i ŭručyŭ abaroncam kaściołu svaje knihi. Siarod padarunkaŭ była ŭ tym liku i kniha piśmieńnika «Imiony svabody».
6 kastryčnika padčas akcyi kala kaściołu zaplanavany kancert.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary