Biełaruski KDB raspačaŭ infarmacyjnuju vajnu suprać Polščy?
Ananim rascyłaje dakumienty, jakija nazyvaje telehramami MZS Polščy ŭ pasolstva ŭ Minsku.
Na praciahu apošnich niekalkich dzion u polskija ŚMI i niedziaržaŭnyja arhanizacyi trapili padroblenyja dakumienty MZS Polščy, jakija śviedčać ab, byccam by, kiravańni palakami biełaruskaj apazicyjaj.U zamiežnapalityčnym viedmastvie Polščy zajaŭlajuć, što nie majuć da hetych dakumientaŭ nijakaha dačynieńnia. Spravaj «lipavych telehramaŭ» zaniałosia Ahienctva ŭnutranaj biaśpieki Polščy.
U pieršaj častcy «kampramatu», jaki pa formie vielmi nahadvaje kabłahramy ad Wikileaks, nieviadomyja asoby razasłali niezašyfravanyja telehramy, jakija byccam by MZS dasyłaŭ u pasolstva, a taksama adkazy ambasady ŭ Varšavu. A druhoj častcy znachodziacca zajavy na atrymańnie viz dla stypiendystaŭ prahramy Kalinoŭskaha i płanavanyja Bresckim konsulstvam vydatki na polskuju mienšaść.
Z padroblenych MZSaŭskich depieš vynikaje, što ministar Sikorski zahadaŭ supracoŭniku pasolstva ŭ Minsku vypłacić 80 tys. jeŭra Uładzimieru Niaklajevu na arhanizacyju demanstracyi 19 śniežnia.
4 studzienia MZS, byccam by, nakiravaŭ zahad aktyvizavać supracoŭnictva z Alaksandram Milinkievičam. U telehramie havorycca, što paśla pasadki lideraŭ apazicyi asoba Milinkieviča najbolš pasuje na novaha lidara.
Na nastupny dzień, jak vynikaje z «dakumientaŭ», u Minsk, Hrodna i Brest trapiŭ zahad spynić supracoŭnictva z Sajuzam palakaŭ i asabista z Borys, Arechva i Pačobutam. Cikava, što dziejnaść Pačobuta charaktaryzavałasia, jak «škodnaja polskaj dziaržavie».
«Hety materyjał raspaŭsiudžvajecca ŭ roznych asiarodkach u Polščy. Hetaja tak zvanaja karespandencyja pamiž Ministerstvam zamiežnych spraŭ i dypłamatyčnymi placoŭkami ŭ Biełarusi źjaŭlajecca falšyvaj, takija depiešy nikoli nie vysyłalisia. Dziaržaŭnyja słužby ŭžo razhladajuć hetaje pytańnie», — kaža
Kali heta falšyŭka, to chto jaje aŭtar? Polskija ekśpierty schilajucca da dumki, što «depiešy» zroblenyja biełaruskim KDB. Mahčyma, rasijskim. Śpiecsłužby takim čynam žadajuć skarystacca z čarhovaha abvastreńnia
U toj ža čas žurnalisty ličać, što niekatoryja z apublikavanych dakumientaŭ sapraŭdnyja. Mietadam źmiešvańnia sapraŭdnych tekstaŭ (zajavy kalinoŭcaŭ na vizy) dy padrobnych i dasiahajecca patrebny efiekt.
«Naša Niva» źviarnułasia pa kamientar da staršyni Rady SPB Andreja Pačobuta, jaki taksama fihuruje ŭ «depiešach».
«Naša Niva»: Andrej, učora stała viadoma ab źjaŭleńni ŭ redakcyjach bujnych polskich ŚMI listoŭ, jakija nibyta ŭtrymlivajuć źviestki ab nieviadomaj dziejnaści Polščy ŭ dačynieńni da Biełarusi. Jak možacie heta prakamientavać?
Andrej Pačobut: Apošnim časam Polšča aktyŭna upłyvaje na palityku ES u dačynieńni da Biełarusi. Heta vielmi nie padabajecca biełaruskim uładam. Mienavita adsiul hetyja napady na polskaje MZS i asabista na ministra zamiežnych spraŭ Sikorskaha.
«NN»: Vam viadomyja niejkija padrabiaznaści atrymańnia redakcyjami polskich ŚMI hetych dakumientaŭ? Jak jany ŭsprymajucca ŭ Polščy?
AP: Pakul ja bačyŭ tolki publikacyju ŭ «Rečypaspolitaj», a taksama štotydniovik «Nie». Apošni ličycca ŭ Polščy vielmi nieadnaznačnym, časta krytykuje ŭłady. Ale navat hetaje ŚMI vielmi aściarožna pastaviłasia da «depiešaŭ». Ad supracoŭnikaŭ tydniovika «Nie» mnie viadoma, što rassyłka «depiešaŭ» adbyvajecca z adrasu, zarehistravanaha na polskim elektronnym partale, ale sam adpraŭnik znachodzicca ŭ Minsku. U suviazi z hetym znajści realnaha adpraŭščyka budzie prablematyčna.
«NN»: U ananimnych listach, razasłanych pa redakcyjam, šmat uvahi nadajecca niezaležnamu SPB i vam asabista. Čym heta moža być vyklikana?
AP: Heta jašče adna sproba ŭdaryć pa aŭtarytecie Sikorskaha. Sprava ŭ tym, što jaho palityčnyja apanienty mocna krytykujuć ministra zamiežnych spraŭ za palityku ŭ dačynieńni da SPB. «Depiešy», pa zadumie ich aŭtaraŭ, pavinny tolki pahoršyć pazicyi Sikorskaha. Tamu i pišuć tam ab Sajuzie palakaŭ. Heta tema, jakaja chvaluje polskaje hramadstva.
«NN»: Usia hetaja historyja moža mieć realny vynik?
AP: Dumaju, što nie. Nijakaha vyniku nie budzie. Aŭtary hetaj rassyłki nie ŭličyli, što ŭ volnaj krainie kožnuju papierku možna lohka spraŭdzić, pravieryć, adsačyć. Tamu hetaja historyja ad samaha pačatku nie moža mieć pośpiechu.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads12
Kamientary