Pakarańnie ŭ formie nakiravańnia ŭ dyscyplinarny bataljon u Biełarusi moža być zamieniena aryštam na termin da 6 miesiacaŭ.Adpaviednuju prapanovu abmierkavali siońnia deputaty Pałaty pradstaŭnikoŭ na pasiadžeńni Pastajannaj kamisii nacyjanalnaj biaśpieki.
Jak padaje BIEŁTA, u hetaj kamisii raspracavany zakonaprajekt ab uniasieńni papravak u kryminalnaje zakanadaŭstva ŭ častcy, jakaja tyčycca vajskovych złačynstvaŭ. Adna z prapanovaŭ deputataŭ tyčycca skasavańnia takoj formy pakarańnia dla vajskoŭcaŭ terminovaj słužby, jak nakiravańnie ŭ dysbat. Raspracoŭščyki zakonaprajektu prapanujuć zamianić jaho aryštam na termin da paŭhoda, a ŭ niekatorych vypadkach za voinskija złačynstvy, što nie ujaŭlajuć vialikaj hramadzkaj niebiaśpieki abo kvalifikavanyja jak mienš ciažkija, pryznačać štraf abo vypraŭlenčyja pracy.
Staršynia parlamenckaj kamisii Ihnacij Misurahin paviedamiŭ, što ź idej rasfarmavać ŭ Biełarusi dysbat pahadzilisia pradstaŭniki ŭsich zacikaŭlenych bakoŭ: MUS, Minabarony, Hienprakuratury, Biełaruskaha vajennaha sudu i vajennaj prakuratury.
Kamientary