Muzyka

«Kaljan» syhraje ŭ Miensku ŭpieršyniu za 13 hod

Haradzienski hurt vystupić razam z kamandaj Handmade u miežach prajektu «Tuzin. Unplugged» 20 traŭnia.

Paśla paśpiachovaha kancerta «Tuzin. Unplugged» internet-partał «Tuzin Hitoŭ» vyrašyŭ praciahnuć svoj novy prajekt, kab pakazać samyja cikavyja biełaruskamoŭnyja kamandy ŭ novaj jakaści. 20 traŭnia ŭ klubie «Hrafici» svaje ekśluzyŭnyja prahramy pradstaviać prychilniki ŭrbanistyčnaha rehi i džaz-roku — hurt Handmade i hieroi haradzienskaha andehraŭndu — hurt «Kaljan», jakija vystupiać u Miensku ŭpieršyniu za 13 hod.

Lider hurta «Kaljan» Aleś Dzianisaŭ kaža, što nikoli nie imknuŭsia skaryć horad-hieroj Miensk. Jaho kamanda ŭžo daŭno maje kultavy status u rodnaj Harodni i susiedniaj Polščy, ale ŭ biełaruskaj stalicy apošni raz vystupała ažno ŭ 1998 hodzie ŭ klubie «Reziervacyja», dzie pradstaviła pieśni z svajho debiutnaha elektryčnaha alboma «U krainie cudaŭ». U tym ža hodzie «Kaljan» pieramoh na festyvali «Basovišča», vydaŭ jašče čatyry albomy, napisaŭ svaju hałoŭnuju pieśniu — «Radyjoaktyŭny śnieh» i prypyniŭ svaju dziejnaść. U 2011 hodzie «Kaljan» viarnuŭsia z novym dyskam «Antypazytyŭ». Admysłova dla vystupa «Tuzin. Unplugged» chardkor-fołk-pank hurt rychtuje svoj akustyčny set. Ujaŭleńnie pra ich kamernaje hučańnie možna skłaści pavodle pieśni «Kranštat», jakaja ŭvajšła bonusam u ich apošni albom. Aleś Dzianisaŭ kaža, što maje namier i nadalej paralelna pracavać z akustyčnym prajektam i źbirajecca zapisać albom na vieršy Danuty Bičel-Zahnietavaj, jakaja ŭžo dała na heta zhodu.

Hurt Handmade ź Miensku, ale taksama vystupaje tut redka. 20 traŭnia jany daduć pieršy surjozny klubny kancert u stalicy. Muzyki bolš hrajuć u Vilni, Varšavie i na karparatyvach. Apošni raz hurt vystupaŭ u sakaviku, na adkryćci bujnoha handlovaha centra «Eŭropa». I, jak nia dziŭna, niekalki razoŭ naviedvaŭsia na biełaruskaje telebačańnie — u prahramy telekanała ANT «Kuchnia» i «Estradny kaktejl». Muzyki niekali ŭžo brali udzieł u «tuzinoŭskaj» imprezie ŭ 2009 hodzie. Tady kamanda na čale ź Jaŭhienam Vałošynym zvałasia Jab Club. Tady jany narabili ŭ čarcie niemały rozhałas, kali trojčy ŭzdymalisia na pieršuju prystupku ź pieśniaj «Vulica dym». Potym skład hurta abnaviŭsia, da Jaŭhiena dałučylisia takija muzyki, jak hitaryst hurta Neo Andrej Markuc i basist Svet Boogie Band Cichan Zołataŭ. Letaś užo pad novaj nazvaj Handmade pradstavili ŭ «Tuzinie Hitoŭ» svaju novuju pieśniu «Postmadernizm». Nieŭzabavie ŭ čarcie budzie ich novy hit. Dla «Tuzin. Unplugged» jany rychtujuć prahramu, składzienuju z starych i novych kampazicyj. Hrać buduć u poŭnym składzie: bubny, bas, akardyjon i dźvie hitary. «Budziem hrać eksperymentalnuju, ale niasumnuju muzyku. Ad nas čakajcie akustyčna-rokavaha hučańnia, eksperymientaŭ z paezijaj i elementaŭ dyska», — kaža vakalist Handmade.

Vieści imprezu budzie lider hurta «Pałac» Aleh Chamienka, niaźmienny viadučy radyjoversii hit-paradu «Tuzin Hitoŭ», jakaja idzie na chvalach «Radyjo Racyja».

Kancert «Tuzin. Unplugged» padtrymlivaje hramadzkaja kampanija «Budźma biełarusami».

Kancert pačniecca ŭ 19.00 20 traŭnia ŭ mienskim klubie «Hrafici» (zav. Kalinina, 16). Košt kvitka — 20 000 rub. Nabyć jaho možna ŭ klubie zahadzia z 18.00 da 22.00 štodnia, akrom suboty i niadzieli. Kolkaść miescaŭ abmiežavanaja! Teł.dla daviedak: +375 29 17 999 18 / 77 999 18 / 613 95 06 / 270 11 15

Kamientary

Ciapier čytajuć

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Usie naviny →
Usie naviny

Prezident Sierbii Vučyč upieršyniu z pačatku vajny naviedae Ukrainu1

Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły1

Samy papularny tyktok-błohier u śviecie, jaki vyśmiejvaje biazhłuzdyja łajfchaki, vydvarany z ZŠA jak nielehał7

Nachabnyja strasalščyki hrošaj na prajezd u Minsku ŭžo prosiać pieravod na kartku2

U Mahilovie idzie śpiektakl 18+, jaki karystajecca šalonaj papularnaściu — hledačy pryjazdžajuć ź inšych haradoŭ10

Hruzija pastrožyć praviły znachodžańnia zamiežnikaŭ, ažno da vydvareńnia1

Kaho čaściej za ŭsio kusajuć kamary? Daviedalisia ŭ vučonaha1

Žančynu nie puścili ŭ restaran «Pajedziem, pajadzim» ź dziciom, jakoje zasnuła ŭ vazku6

U Kryčavie vykankam źbiraje danaty na novyja prypynki2

bolš čytanych navin
bolš łajkanych navin

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2

Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić