«Hazprom»: padstavaŭ sustrakać Novy hod za śviatočnym stałom u vas niama
Takuju dumku vykazaŭ siońnia, 28 śniežnia, aficyjny pradstaŭnik «Hazpromu» Siarhiej Kupryjanaŭ. Adnak i haravać Łukašenku asabliva nia pryjdziecca: Rasieja vystaŭlaje dla samaha blizkaha z satelitaŭ canu, na 25 dalaraŭ mienšuju, čym dla Ŭkrainy, i na 125 dalaraŭ mienšuju, čym dla Litvy. Siońnia heta paćvierdziŭ premjer Fradkoŭ u razmovie z svaim biełaruskim kaleham Sidorskim.
Apošniaja prapanova «Hazpromu» pa canie na haz dla Biełarusi — $105 za tysiaču kubametraŭ. «Ci buduć pry apłacie hetaj sumy vykarystanyja akcyi «Biełtranshazu» ŭ jakaści apłaty častki pastavak ci nie — niepryncypova», — zajaviŭ u čaćvier pradstaŭnik «Hazpromu» Siarhiej Kupryjanaŭ u interviju viečarovaj prahramie rasiejskaha telekanału «Rośsija». Pry hetym jon dadaŭ, što «siońnia nijakaha prahresu na pieramovach niama».
Raniej siońnia Siarhiej Kupryjanaŭ zajaŭlaŭ, što nie vyklučaje mahčymaści ŭviadzieńnia ŭradam Rasiei ekspartnych pošlin na haz u Biełaruś. Pavodle jaho słovaŭ «va ŭmovach, kali my tak i nia možam pačać narmalnaje supracoŭnictva ŭ hazavaj halinie, całkam mahčyma pryniaćcio rašeńnie ab admienie siońniašnich preferencyjalnych dačynieńniaŭ u budučyni».
Miž tym "krynica va ŭradzie Rasiei" siońnia paviedamiła infarmahienctvam, što ŭrad nie padtrymaje takuju ideju "Hazpromu".
U toj ža čas Kupryjanaŭ zajaviŭ, što «padstaŭ sustrakać Novy hod za śviatočnym stałom pierahavorščykam pa pastaŭkach hazu ŭ Biełaruś pakul niama». Pry hetym rasiejski bok ŭsio ž taki spadziajecca na toje, «što my damovimsia sioleta».
Premjer Sidorski siońnia ŭ Škłovie vykazaŭ peŭnaść, što da Novaha hodu damova z Rasiejaj budzie padpisanaja. Siońnia ž uviečary adbyłasia telefonnaja razmova premjeraŭ Biełarusi j Rasiei Sidorskaha i Fradkova.
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy18
Kamientary