Homielskija pravaabaroncy padali zajaŭki na praviadzieńnie pikietaŭ u padtrymku Alesia Bialackaha
Na 22 žniŭnia homielskija pravaabaroncy Anatol Papłaŭny, Leanid Sudalenka i Viktar Adzinočanka zajavili pikiety ŭ najbolš šmatludnych miescach abłasnoha centra. Jany płanujuć źviarnuć uvahu haradžan na prymianieńnie kryminalnaha zakanadaŭstva dla palityčnaj raspravy nad kiraŭnikom niezarehistravanaha pravaabarončaha centra «Viasna»,
Jak paviedamiŭ juryst Leanid Sudalenka, 6 žniŭnia praavabaroncy adpravili zajaŭki ŭ harvykankam zakaznymi listami.
Vybranyja try miescy dla pikietaŭ: centralny rynak, placoŭki pierad univiermaham «Homiel» i handlovym domam «Rečycki».
«U lubym demakratyčnym hramadstvie takija niaŭradavyja arhanizacyi, jak „Viasna“, adyhryvajuć značnuju rolu. Pryznajučy hetuju rolu, dziaržavy śvietu zakanadaŭča zabiaśpiečvajuć umovy, nieabchodnyja dla pracy i roskvitu treciaha siektara, a nie imknucca marhinalizavać hramadzianskuju supolnaść, admaŭlajučy ŭ rehistracyi, pieraśledujučy i zatrymlivajučy aktyvistaŭ niaŭradavych arhanizacyj», — napisali ŭ svaich zajaŭkach u Homielski harvykankam pravaabaroncy.
Kryminalnuju spravu ŭ dačynieńni da Alesia Bialackaha homielskija pravaabaroncy ŭsprymajuć jak raspravu i pomstu za jaho šmathadovuju pravaabarončuju dziejnaść, a taksama jak imknieńnie źniščyć centr «Viasna» i zapałochać uvieś pravaabarončy ruch u Biełarusi.
Pravaabaroncy taksama zaklikajuć hramadzianskuju supolnaść Homielskaj vobłaści padtrymać ich inicyjatyvu, u masavym paradku pratestavać suprać prymianieńnia kryminalnaha zakanadaŭstva ŭ dačynieńni da Bialackaha, a taksama vyłučać patrabavańni da ŭłady ab spynieńni ŭsich represij adnosna apazicyjnych niaŭradavych arhanizacyj i ich aktyvistaŭ, patrabavać vyzvaleńnia ŭsich palitźniavolenych u Biełarusi.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary