Baśnijskija futbalisty paviačerali ŭ Minsku, zapłaciŭšy 75 jeŭra z nosa
Usiaho tolki byli bifšteks, sałacik i bulba. «Niatanna navat pa narviežskich mierkach», — kažuć fanaty.
Pra heta raskazaŭ u intervju partału Goals.by Edzin Džolič, što razam z baćkam prylacieŭ z Osła, dzie jany pražyvajuć, kab padtrymać svaju zbornuju u matčy suprać zbornaj Biełarusi.
Zbornaja Bośnija pasialiłasia ŭ hateli Crown Plaza.
Hości ździvilisia, što bilet na matč kaštuje kala 2 jeŭra ŭ ekvivalencie (adzin z samych tannych), tady jak butelka «Fanty» ŭ hateli 3 jeŭra.
Edzin Džolič adznačyŭ: «Pakul moj baćka hutaryŭ z novym znajomym ab futbole i palitycy, u restaran na viačeru spuścilisia hulcy našaj zbornaj. Cikava, što hetaja samaja viačera, jakaja składajecca ŭsiaho tolki ź bifšteksu, bulby dy sałacika, abyjšłasia našaj kamandzie ŭ 75 jeŭra za čałavieka. Uvohule, zusim niatanna atrymlivajecca. Navat pa narviežskim mierkach».
Nahadajem, matč Biełaruś — Bośnija projdzie viečaram siońnia na stadyjonie «Dynama» ŭ 20:30.
Kamientary