Siońnia ŭ Fiłarmonii — «Karal Šymanoŭski: muzyka bieź miežaŭ»

U kancercie vystupiać Simfańničny arkiestr Polskaj Fiłarmonii Bałtyjskaj ŭ Hdańsku pad kiraŭnictvam dyrektara fiłarmonii Kai Bumanna i salistka - skrypačka Ahata Šymčeŭska.

U prahramu kancerta ŭklučany tvory najbolš viadomych polskich kampazitaraŭ. Klučavym ź ich stanie tvor Karala Šymanoŭskaha, pakolki mienavita muzyka hetaha kampazitara na praciahu apošnich dziesiacihodździaŭ prezientuje polskaje mastactva va ŭsim śviecie, vyklikajučy niaźmiennaje zachapleńnie. Karal Šymanoŭski, nazvany Zyhmunta Myčelskim «hramadzianinam śvietu» i «jeŭrapiejcam čystaj rasy», - kampazitar, piśmieńnik i padarožnik, byŭ viadomy jak nievierahodna šmathrannaja, adkrytaja śvietu, asoba. Uśled za Fryderykam Šapenam, Karal Šymanoŭski, biassprečna, zaćvierdziŭ ahulnajeŭrapiejskaje značeńnie polskaj kultury.

U 1916 hodzie, kali stvaraŭsia Kancert dla skrypki z arkiestram № 1 op.35, K. Šymanoŭski znachodziŭsia pad upłyvam muzyčnaha impresijanizmu. Tym nie mienš, Šymanoŭski ŭ svaim tvory daloki ad impresijanisckaj abstraktnaści i "abjektyvizmu", jamu bližej "subjektyvizm", vykazvańni ad pieršaj asoby, jakija hučać u ramantyčnaj muzycy. U skrypičnych kancertach, naviejanych vieršam T. Micyńskaha "Majskaja noč", pieravažaje liryka, a pobač ź joju - dramatyzm, i heta składaje ŭnutrany sens tvora. Tvor pryśviečana viadomamu polskamu skrypaču Paŭłu Kachańskamu.

Muzycy Karala Šymanoŭskaha ŭ kancercie buduć papiaredničać tvory polskich kampazitaraŭ druhoj pałovy XX stahodździa - Vitolda Lutasłavskaha, Vojcecha Kilara - muzyka ŭ «polskich nacyjanalnych farbach». Viečar pačnie «Pałanez», napisany U. Kilarom dla viadomaj ekranizacyi "Pana Tadevuša" Adama Mickieviča (režysior Andžej Vajda). U ciapierašni čas Vojcech Kilar - adzin z samych viadomych polskich kampazitaraŭ u śviecie. Akramia muzyki akademičnaha kirunki, jon źjaŭlajecca aŭtaram muzyki bolš, čym da 130 kinafilmaŭ (u pryvatnaści, da ŭsich filmaŭ Kšyštafa Zanusi, «Dziaviataja brama», «Pijanist» Ramana Pałanski, «Drakuła» Frensisa Forda Kopały).

Praciaham polskaj temy ŭ muzycy stanie adzin z samych znakamitych tvoraŭ pryznanaha kłasika muzyki XX stahodździa Vitalda Lutasłaŭskaha - Kancert dla arkiestra. U kancercie vyrazna vykazana suviaź z narodnaj muzykaj: pryjomy pracy z falkłornymi intanacyjami, jakija nahadvajuć styl Bartaka, pa-majstersku prymianiajucca tut da polskaha materyjału.

Prahrama:

Vojcech Kilar - «Pałanez» z kinafilma «Pan Tadevuš», rež. Andžej Vajda (1999)

Vitald Lutasłaŭski (1913-1994) - Kancert dla arkiestra (1954)

Karal Šymanoŭski (1882-1937) - Kancert dla skrypki z arkiestram № 1 op.35 (1916)

Vykanaŭcy:

Ahata Šymčeŭska (Agata Szymczewska) - skrypka

Kai Buman (Kai Bumann) - dyryžor, artystyčny dyrektar Polskaj Fiłarmonii Bałtyjskaj ŭ Hdańsku

Zamović kvitki možna pa telefonach: 284 44 33, 284 32 02, 331 36 91; 331 16 17, 284 47 09 .

• 0
• 0
• 0
• 0
• 0
• 0
• 0
• 0