Styŭ Džobs zasnavaŭ kampaniju Apple u 1976 hodzie.
Eks-hiendyrektar kampanii Apple Styŭ Džobs pamior va ŭzroście 56 hadoŭ. Pra heta havorycca ŭ paviedamleńni Apple.
Styŭ Džobs zasnavaŭ kampaniju Apple u 1976 hodzie razam sa Styvam Voźniakam (Steve Wozniak) i Ronaldam Uejnam (Ronald Wayne). U 1985 hodzie jon syšoŭ adtul praz roznahałośsi z vyšejšym kiraŭnictvam karparacyi, a ŭ 1997 hodzie viarnuŭsia i z 2000 hoda sam staŭ jaje hienieralnym dyrektaram.
U žniŭni 2011 hoda Styŭ Džobs paśla praciahłaha adpačynku pakinuŭ post načalnika Apple. Hiendyrektaram kampanii staŭ Tym Kuk (Tim Cook), jaki zamiaščaŭ Džobsa z 17 studzienia 2011 hoda, kali toj syšoŭ u adpačynak pa chvarobie. Pry hetym Styŭ Džobs byŭ abrany staršynioj rady dyrektaraŭ Apple.
U svaim liście da supracoŭnikaŭ kampanii Džobs tady zajaviŭ: «Ja zaŭsiody kazaŭ, što kali nastupić toj dzień, kali ja nie zmahu bolš adpaviadać svaim abaviazkam i čakańniam u jakaści hienieralnaha dyrektara, ja pieršym paviedamlu vam pra heta. Na žal, hety dzień nadyšoŭ».
Apple i sam Džobs nie paviedamlali pryčyny, jakija zrabili niemahčymym viartańnie menedžara da kiraŭnictva kampanijaj. Adnak žurnalisty i błohiery syšlisia ŭ mierkavańni, što pryčynaj takoha rašeńnia staŭ stan zdaroŭja Džobsa.
Styŭ Džobs nieadnarazova mieŭ prablemy sa zdaroŭjem.
U 2003 hodzie ŭ jaho byŭ vyjaŭleny rak padstraŭnikavaj załozy,jaki ŭdała praapieravali praz hod. U 2008 hodzie Džobs mocna schudnieŭ, što spravakavała čutki pra mahčymy recydyŭ raka. Uletku 2009 hoda stała viadoma, što Džobs pieranios apieracyju pa pierasadcy piečani.
Apple źjaŭlajecca najbujniejšaj IT-kampanijaj śvietu z rynkavaj kapitalizacyjaj bolš za $300 miljardaŭ .U 2010 hodu jana adabrała hetaje zvańnie ŭ Microsoft. Apple vypuskaje kamputary Mac i naŭtbuki MacBook, a taksama liniejku partatyŭnych pryład, u jakuju ŭvachodziać smartfony iPhone, płejery iPod i płanšet iPad.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB22
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ22
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ2
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary