Miescami budzie da +12.
Suchoje nadvorje ŭstanovicca ŭ Biełarusi, pačynajučy z vychadnych, paviedamiła hałoŭny sinoptyk Respublikanskaha hidramieteacentra Ludmiła Paraščuk.
U bližejšyja sutki frantalny raździeł taksama budzie vyznačać nadvorje ŭ našaj krainie. Nočču na bolšaj častcy terytoryi, a dniom miescami projduć karotkačasovyja daždžy. Nočču i ranicaj u asobnych rajonach zhuścicca tuman. Padźmie ŭmierany
Pačynajučy z vychadnych rost atmaśfiernaha cisku ŭzmocnić upłyŭ antycykłonu, centr jakoha čakajecca nad poŭnačču Ukrainy. Nadvorje naładzicca, i ŭ asnoŭnym abydziecca biez apadkaŭ. Tolki pa poŭnačy Viciebskaj vobłaści mahčymy nievialiki doždž. U nizkich miaścinach i pablizu vadajomaŭ zhuściacca tumany. Tempieratura pavietra nočču ŭ subotu, 22 kastryčnika, budzie vahacca ad minus 5 hradusaŭ da plus 2 hradusaŭ. Miescami pa poŭdni pry praciahłych prajaśnieńniach pavietra moža achaładžacca da minus 5 hradusaŭ. Maksimalnaja tempieratura pavietra dniom składzie plus 6–12 hradusaŭ. Anałahičnaje nadvorje budzie i ŭ niadzielu. Tempieraturny režym nie źmienicca.
U paniadziełak i aŭtorak, 24 i 25 kastryčnika, pad upłyvam hetaha ž antycykłonu ŭ Biełarusi zachavajecca suchoje nadvorje.Tempieratura pavietra ŭ načnyja hadziny budzie vahacca ad minus 3 da plus 3 hradusaŭ, pry prajaśnieńniach — da minus 6 hradusaŭ. Maksimalnaja tempieratura pavietra dniom składzie 3–10 hradusaŭ ciapła.
U sieradu nadvorje ŭ Biełarusi budzie vyznačać čarhovy antycykłon, sfarmiravany ŭ chaładnavatym pavietry nad Finlandyjaj. Pad jaho ŭpłyvam Biełaruś budzie 26 i 27 kastryčnika. U načnyja hadziny čakajecca 1–7 hradusaŭ marozu, dniom tempieratura pavietra nie pierasiahnie 3–10 hradusaŭ ciapła.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary