Zatrymanyja lidery «Maładoha frontu» — 27 čałaviek
Uvieś niadzielny viečar praciahvalisia pieratrusy, aryšty i dopyty aktyvistaŭ niezarehistravanaha Maładoha Frontu. Nieviadomaje znachodžańnie Źmitra Chviedaruka. Pavodle niekatorych źviestak, jaho pieravieźli ŭ «amerykanku» i jamu pahražaje kryminalnaja sprava.
U niadzielu, 4 lutaha, u Miensku na pryvatnaj kvatery mieŭsia prajści schod Centralnaj Rady niezarehistravanaj arhanizacyi «Małady front». Na Radu źjechalisia kiraŭniki zabaronienaj arhanizacyi z usich rehijonaŭ krainy, a taksama tyja, chto ciapier navučajecca ŭ Polščy (usiaho 27 čałaviek).
Niedzie pamiž 16.30 i 17.00 pryvatnuju kvateru, što znachodzicca ŭ žyłym domie za Kamaroŭkaj, zablakavali supracoŭniki MUS, KDB i bajcy specnazu. Usich prysutnych pry paniatych prymusili
na videakameru nazvać svajo imia i proźvišča. Jany pazabirali mabilniki ŭ maładych ludziej. Niechta z maładych ludziej schavaŭ telefon i pasłaŭ niekalki sms-ak žurnalistam i svajakam, raskazvajučy što ź imi robiać. Paśla taho, jak usich vyvieźli ŭ RUUS, u kvatery prajšoŭ pieratrus.
***
19.40.
Try hadziny paśla zatrymańnia maładych ludziej — siarod ich niepaŭnaletnija — niejki čas vadzili pamiž «aparniakom», što raźmieščany kala Savieckaha RUUS i «aŭtazakam» — tudy i siudy. Adzin z kanvajavanych kryknuŭ žurnalistam i baćkam, što dziažurać la RUUS, što im pahražaje «kryminalnaja sprava».
Siarod zatrymanych — studenty prahramy Kalinoŭskaha Jaŭhien Skrabutan i Barys Harecki. U Jaŭhiena musić być zaŭtra ŭ Polščy ispyt.
A 19.45 padjechaŭ vialiki MAZ-aŭtazak. Pa adnym maładafrontaŭcaŭ zavodziać u MAZ. Jość mierkavańnie, što maładych ludziej paviazuć na Akreścina.
20.40
Pavodle vidavočcaŭ, adnaho z zatrymanych zaviali ŭ aŭtamabil «HAZiel», nakinuŭšy na hałavu kurtku. Imavierna, heta byŭ Źmicier Chviedaruk, jaki zdoleŭ smskaj paviedamić siabram, što jamu pahražaje kryminalnaja sprava i jaho viazuć u «amerykanku».
U aktyvistki «MF» Nasty Pałažanki ŭ chacie idzie pieratrus.
Maładafrontaŭca Aleha Korbana, u jakoha siońnia dzień narodzinaŭ, zabrali z chaty milicyjanty.
Adpuščany dziasiatak niepaŭnaletnich maładafrontaŭcaŭ. Inšaja častka zatrymanych, u tym liku «kalinoviec» Jaŭhien Skrabutan, praciahvajuć siadzieć u aŭtazaku.
23.20
Usich zatrymanych, aproč Źmiciera Chviedaruka, adpuścili. Pra znachodžańnie apošniaha dakładnaj infarmacyi pakul niama. Viadoma tolki, što Chviedaruka dapytvali kala dźviuch hadzinaŭ.
U hety momant na kvaterach Janušeŭskaha Alaksieja, niepaŭnaletniaj Nasty Pałažanki, a taksama Jarasłava Hryščeni z Baranavičaŭ iduć pieratrusy.
Pavodle słovaŭ Jaŭhiena Skrabutana, usim zatrymanym prapanoŭvali napisać zajavy ab dobraachvotnym vychadzie z «Maładoha Frontu».
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii9
Kamientary