Ministar Korbut: Za piać hadoŭ u nas budzie inšaja ekanomika
«My hatovyja dapuścić u krainu zamiežnyja kapitały ŭ luboj formie. Treba tolki, kab umovy byli vyhodnyja dla abodvuch bakoŭ», — paviedamiŭ ministar finansaŭ.
U 2007 h. Biełaruś miarkuje zaniać da $1 młrd na zamiežnych rynkach, kab kampensavać padvyšeńnie cenaŭ na rasiejskija enerhanośbity, paviedamiŭ ministar finansaŭ Mikałaj Korbut.
«Dahetul našyja prablemy vyrašalisia zbolšaha za košt unutranych krynic... Kab pakrysie pieranieści rezkaje padaražańnie enerhanośbitaŭ, nam sioleta spatrebicca zamiežnaja padtrymka ŭ vyhladzie pryvablivańnia vonkavych resursaŭ», — kaža ministar finansaŭ.
Kaža, Miensk nie planuje pryciahvać dziaržaŭnyja kredyty, adnak viadzie pieramovy pra kredytavańnie z bankami Rasiei, Vialikaj Brytanii, ZŠA, Švajcaryi i šerahu inšych krainaŭ, ličučy na pryciahnieńnie syndykavanych kredytaŭ.
Biełaruś, jakaja pokul nia maje suverennaha kredytnaha rejtynhu, ale raźličvaje atrymać jaho sioleta ŭ pieršym paŭhodździ, nie adkidaje mažlivaści raźmiaščeńnie eŭrabondaŭ i hatovaja vypuścić na rynkach RF bondy na sumu da 10 młrd rasiejskich rubloŭ, kaža ministar finansaŭ.
Ciapier ahulny pamier zamiežnaj pazyki Biełarusi składaje mienš $850 młn, dziaržaŭny biudžet na 2007 h. — kala $20 młrd.
«Hetaja suma ($1 młrd) uzhadniajecca z mažlivaściami krainy pa absłuhoŭvańni zamiežnaj pazyki. Dahetul našyja kredytory nia mieli prablemaŭ. Siońnia my nia majem praterminavanych pazyk», — kaža ministar finansaŭ.
Biełaruś, jakaja raniej abviaščała asnovaj ekanamičnaje palityki apiryšča na ŭłasnyja siły, raźličvaje na rost zamiežnych investycyjaŭ u 2007 h. i havoryć, što hatovaja dapuścić u krainu zachodnija kapitały, kab zabiaśpiečyć madernizacyju ekanomiki.
«Nam daviadziecca pierabudavać svaju ekanomiku, skaracić vydatki, mažliva, pierahledzieć investycyjnuju palityku. Bolej pryciahvać zamiežnych investycyjaŭ», — skazaŭ Korbut.
Zamiežnyja investary dy kredytory da apošniaha času abminali Biełaruś, jakaja zachavała dziaržaŭny kantrol nad ekanomikaj i admaŭlałasia ad pryvatyzacyi bujnych dziaržaŭnych pradpryjemstvaŭ.
«My hatovyja dapuścić u krainu zamiežnyja kapitały ŭ luboj formie. Treba tolki, kab umovy byli vyhodnyja dla abodvuch bakoŭ», — paviedamiŭ ministar finansaŭ.
Miensk pryznaje, što źmienienyja ŭmovy ŭ dačynieńniach z Rasiejaj i namier rasiejskich uładaŭ ciaham piaci hadoŭ całkam pierajści na rynkavyja adnosiny sa svaim chaŭruśnikam, patrabujuć ekanamičnych pieraŭtvareńniaŭ u krainie.
«Praź piać hadoŭ u nas budzie inšaja ekanomika. Jana prystasujecca da novych umovach, jakija pierad joj paŭstanuć», — skazaŭ ministar finansaŭ.
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary