«U vašaj pracy nie pavinna być nijakaj palityki»

Alaksandr Łukašenka 28 listapada razhledzieŭ kadravyja pytańni, pryznačyŭšy kirujučy skład Śledčaha kamiteta Biełarusi, paviedamili ŭ pres-słužbie.

Łukašenka naznačyŭ:

Bujnoŭskaha Siarhieja Alaksandraviča — namieśnikam staršyni Śledčaha kamiteta,

Hajdučonka Valeryja Alaksandraviča — namieśnikam staršyni Śledčaha kamiteta,

Šajeva Valancina Piatroviča — namieśnikam staršyni Śledčaha kamiteta,

Rachmanava Alaksandra Alaksandraviča — načalnikam upraŭleńnia Śledčaha kamiteta pa Bresckaj vobłaści,

Šałuchina Uładzimira Vasiljeviča — načalnikam upraŭleńnia Śledčaha kamiteta pa Viciebskaj vobłaści,

Leonka Iosifa Edvardaviča — načalnikam upraŭleńnia Śledčaha kamiteta pa Hrodzienskaj vobłaści,

Siniaka Jahora Ściapanaviča — načalnikam upraŭleńnia Śledčaha kamiteta pa Minskaj vobłaści,

Vołkava Alaksieja Alaksandraviča — načalnikam upraŭleńnia Śledčaha kamiteta pa horadzie Minsku.

Jak paviedamiŭ Łukašenku staršynia Śledčaha kamiteta Valeryj Vakulčyk, kandydatury na pasady načalnikaŭ ŭpraŭleńnia kamiteta pa Mahiloŭskaj i Homielskaj abłaściach buduć pradstaŭleny na praciahu dvuch tydniaŭ.

Alaksandr Łukašenka, źviartajučysia da prysutnych, padkreśliŭ, što čakaje ad Śledčaha kamiteta niezaležnaj pracy i sumlennaha padychodu da razhladu kožnaha spravy. «Chaču, kab vy razumieli: my ŭzialisia za vielmi surjoznuju spravu. Nam patrebien niezaležny, padparadkavany tolki zakonu Śledčy kamitet, — zajaviŭ jon. — Prablemy ŭ našaj krainie byli, jość i buduć, i ŭsie prablemy, ciažkija momanty nasielnictva ŭ stanie pieravaryć, pieražyć i daravać, kali my niedzie pamylilisia.

Ale nikoli čałaviek nie daruje parušeńnie jaho pravoŭ i kali my, nie daj boh, pałamajem los čałavieka.

Łukašenka ŭ suviazi z hetym padkreśliŭ: «Treba maksimalna paźbiehnuć takich vypadkaŭ. A lepš, kab ich nie było naohuł. Kali vy budziecie bačyć, što nie chapaje niejkich faktaŭ dla taho, kab skazać, što tak, ty złačynca i ty pavinien iści ŭ sud, lepš adyści ad abvinavačvańnia.

Ale ni ŭ jakim razie nielha „naciahvać“, jak heta byvaje (mienš u nas, bolš u inšych krainach), i vyznačać, što my prablemu vyrašyli, złačynca znajšli. Dla ptušački ničoha rabić nie treba»,

«U vašych rukach losy ludziej. Što tam hrech utojvać, čaściakom i ludziej, jakija vyznačajuć tvar našaj dziaržavy: budź to ŭ śfiery vytvorčaści, biźniesu, dziaržsłužby i hetak dalej», — dadaŭ kiraŭnik dziaržavy.

Alaksandr Łukašenka taksama papiaredziŭ ab tym, što nie pavinna być prajavy jakich-niebudź faktaŭ ŭpłyvu pazasłužbovych adnosin:

«Nijakich tut uzajemaadnosin: ja siabar, ty adzin, davaj vyrašym pytańnie, — tak być nie pavinna».

Łukašenka adznačyŭ, što hetym, pierš za ŭsio, tłumačycca pryznačeńnie na pasadu kiraŭnika Śledčaha kamiteta Valeryja Vakulčyka. «Mnohija, moža być, padumali pra toje, što dośviedu niama i inšaje, ale dla mianie važny tut sumlenny, kryštalova sumlenny čałaviek. Ja nie mahu pradjavić jamu pretenzij pa słužbie, nie mahu! Čałaviek, jaki pryjšoŭ ad ziamli, jaki spaznaŭ, što takoje žyćcio, jon zaŭsiody dziejničaŭ sumlenna i prystojna «, — skazaŭ jon.

«Ja vas pierakanaŭča prašu: nie kryŭdzicie ludziej! Ale złodziej pavinien siadzieć u turmie. Złačynca, pravaparušalnik abaviazany panieści adkaznaść pa ŭsioj strohaści zakona. Kali hetaha nie budzie — čakajcie pavieličeńnia złačynstvaŭ.

Pakarańnie pavinna być niaŭchilnym, ale sumlennym i spraviadlivym»,

U toj ža čas Łukašenka čakaje ad Śledčaha kamiteta niepalityzavanaści.

«U vašaj pracy nie pavinna być nijakaj palityki. Nastolnaja kniha dla vas — zakon. Kab zajmacca palitykaj, dla hetaha jość dziaržaŭnyja słužačyja i palityčnyja struktury. Vaša sprava — zakon i adkaznaść pa zakonie,

«Ja vielmi spadziajusia, što ŭsie vy lubicie našu krainu, Biełaruś. I vy pavinny pamiatać, što niezaležnaść i suvierenitet našaj krainy — śviatoje. I vy jaje pavinny abaraniać, u tym liku jak ludzi vajskoŭcy. Tamu majo rašeńnie było adnaznačnym — Śledčy kamitet pavinien być vajenizavanaj strukturaj, i tam pavinny pracavać ludzi ŭ pahonach. Ja vam abiacaju, što ja zrablu ŭsio dla taho, kab vy zmahli vyrašyć hetyja prablemy. Usio budzie zaležać tolki ad vas», — skazaŭ Łukašenka.

«My ničoha nie paškadujem dla taho, kab vy mahli vykonvać svaje funkcyjanalnyja abaviazki na samym vysokim uzroŭni, kab vašyja kalehi z susiednich i inšych krain, pryjazdžajučy da vas, vyvučajučy vaš dośvieł, zaŭsiody zachaplalisia tym, što my, idučy hetym šlacham, stvaryli samuju sumlennuju i spraviadlivuju strukturu va ŭsim śviecie. My heta možam zrabić. I nie tolki tamu, što ja na hetym nastojvaju. Tamu što ŭ nas jość surjoznaja asnova dla hetaha — mientalitet našaha naroda», — upeŭnieny Łukašenka.

• 0
• 0
• 0
• 0
• 0
• 0
• 0
• 0