Prypynki praduhledžanyja ŭ Smalavičach, Žodzina, Barysavie, Krupkach i Tałačynie. Košt prajezdu — 11 760 rubloŭ.
24 śniežnia adkryvajecca rehularny ruch elektraciahnikoŭ rehijanalnych linij pa maršrucie Minsk — Orša. Na hetym maršrucie budzie kursiravać ciahnik biźnies-kłasa, vyrableny dla Biełarusi šviejcarskaj kampanijaj "Štadler".
Čas u darozie ad Minska da Oršy składzie 2 hadziny 18 chvilin.Prypynki praduhledžany ŭ Smalavičach, Žodzinie, Barysavie, Krupkach, Tałačynie. Elektraciahnik budzie kursiravać dvojčy ŭ dzień.
Čas adpraŭleńnia ź Minska — 7:38 i 15:24, prybyćcia ŭ Oršu — 9:56 i 17:42 adpaviedna. Z Oršy elektraciahnik rehijanalnych linij budzie adpraŭlacca ŭ 10:10 i 18:46, prybyvać u Minsk — u 12:28 i 21:04.
Elektraciahnik rehijanalnych linij składajecca z čatyroch vahonaŭ i ŭmiaščaje 210 pasažyraŭ. Košt prajezdu ŭ biźnies-kłasie supastaŭny z koštam prajezdu ŭ vahonach chutkich ciahnikoŭ, jakija kursirujuć na anałahičnych maršrutach, i składaje 11.760 rubloŭ.
Pieršyja elektraciahniki rehijanalnych linij pačali kursiravać 19 listapada ź Minska da Baranavičaŭ i Bresta.Hetymi ciahnikami ŭžo pieravieziena kala 15 tysiač pasažyraŭ.
Kamientary