Minsk u hadavinu Płoščy: bolš za troch nie źbiracca
Ahienty ŭ cyvilnym navadnili praśpiekt, vyłoŭlivajučy ludziej sa śviečkami. Amal paŭsotni zatrymanych
20:29
U Maskoŭski RUUS na dvuch aŭtobusach advieźli 19 čałaviek, paviedamlaje sajt spring96.org. U Centralnym RUUS znajšlisia 12 zatrymanych, ich adpuścili biez składańnia pratakołaŭ, u Leninskim RUUS zatrymanych było troje. Čatyroch zatrymanych na płoščy Jakuba Kołasa adpuścili z mašyny milicyi biez składańnia pratakołaŭ.
20:23
Śviečki harać i kala inšych cerkvaŭ i kaściołaŭ Minska. Hrupa moładzi tolki što padyšła da carkvy Śviatoha Jazepa, što ŭ Vierchnim Horadzie. Tam užo hareŭ dziasiatak śviečak.
20:15
U kaściole molacca 60 čałaviek. Dva cichary taksama zajšli, sieli na kraj łavy. Na płošču praciahvajuć pa adnym, pa dva padychodzić ludzi, stavić śviečki. La źničoŭ staić kala dziesiaci čałaviek. Ale asnoŭnaja masa ludziej razyšłasia. Cichary adyšlisia ŭ cień — kala 20 čałaviek ich stajać dźviuma hrupami zboku, bližej da restarana «Biełaja Ruś».
20:06
Da Čyrvonaha kaścioła pryjšoŭ i kiraŭnik amierykanskaj dypmisii ŭ Biełarusi Majkł Skenłan, paviedamlaje radyjo «Svaboda».
20:04
Śpiecsłužbisty zatrymali jašče adnaho chłopca.
Siarod prysutnych na płoščy byŭ zaŭvažany palitviazień Źmicier Drozd.
Cichary viesialacca. Padychodziać da ludziej i zapytvajucca: «Što vam padkazać?» — abo infarmujuć: «Malicca tut nielha. Budzie rasceniena jak pikiet. Malicca možna tolki na terytoryi kaścioła». Adzin ź ich, hledziačy na zapalenyja źničy, zapytvaje inšaha: «Cikava, a słoičak možna zabrać z saboj?» Inšy pierapytvaje: «Dla soli?»
20:03
Udzielniki akcyi pierajšli ŭ Čyrvony kaścioł, kab pamalicca. Tam akurat raspačałasia słužba. Cichary zastalisia vonki.
20:02
BiełaPAN paviedamlaje, što na płoščy Niezaležnaści hulaje i pasoł Litvy Edminas Bahdonas.
19:57
Kala Čyrvonaha kaścioła daje intervju žurnalistam Miłana Michalevič. Jana kaža, što jaje muž šmat by addaŭ, kab siońnia być tut. Da Miłany padychodziać ludzi ŭ čornym, ale pakul nie zatrymali.
19:55
Nasta Łojka paviedamlaje ŭ fejsbuku imiony zatrymanych na płoščy Jakuba Kołasa: Maryjka Kaśjan, Hanna Kavaleŭskaja, Siarhiej Łyskoŭ, Andrej Moŭčan. U ich zabrali śviečki, trymajuć pakul u aŭtobusie ŭ dvary.
19:52
Siońniašnija zatrymańni, adznačaje karespandent NN, byli nadzvyčaj žorstkimi — ludziej ciahali pa prystupkach, łupili pa hałovach.
19:48
Jašče imiony zatrymanych: Muski Michaś, Vasiljeŭ Raman, Pratasavicki Andrej, Jaromienak Uładź (były palitviazień) — heta maładafrontaŭcy. Akramia taho, Aleś Makajeŭ, Abramovič, Čyrejka (?). Zatrymali ich «na Kaściole», paviedamlaje ich imiony ŭ svaim Fejsbuku Nasta Pałažanka.
19:48
Paśla zatrymańniaŭ kala kaścioła zastajecca kala piacidziesiaci čałaviek.
19:46
Zatrymańni ŭ Maładziečnie
Milicyja schapiła Alesia Kapuckaha i Eduarda Bałančuka. Jak paviedamiŭ «NN» čytač z Maładziečna, u horadzie prachodzić akcyja. Kala pomnika «Pakutnikam za volu i niezaležnaść Biełarusi» udzielniki zapalili źničy. Milicyjanty schapili 5 čałaviek, siarod ich Kapucki i Bałančuk. Imiony inšych zatrymanych pakul nieviadomyja. U centry horada dziažuryć milicejski aŭtazak. Pobač šmat milicyjantaŭ.
19:45
Siarod zatrymanych Źmicier Krymianiecki (?).
Kryki čuvać z zadniaha baku Čyrvonaha kaścioła.Mahčyma, tam zatrymańni nabyli žorstkuju formu.
19.40
Zatrymali jašče dvuch chłopcaŭ. Adzin ź ich padčas zatrymańnia hučna kryčaŭ: «Presa! Presa!» Śledam zabrali dziaŭčynu.
19:41
Adzin busik zapoŭnieny zatrymanymi. Padahnali druhi busik.Na vačach reparcioraŭ NN u jaho paciahnuli chłopca ź dziaŭčynaj. Piać chłopcaŭ pra sprobie zatrymańnia ŭzialisia ŭ sčepku. Śpiecnazaŭcy paciahnuli ich, ale nie zdoleli razarvać łancuh. Vyrvali tolki adnaho dzieciuka, astatnija pavalilisia, ale nie dalisia. Aburanaja žančyna pakietam pieraciahnuła śpiecnazaŭca pa śpinie.
19:40
Kolkaść pratestoŭcaŭ kala Čyrvonaha kaścioła na płoščy Niezaležnaści vyrasła da 200 čałaviek.
19:37
Śpiecnazaŭcy na płoščy Niezaležnaści vychoplivajuć udzielnikaŭ pratestu z hurtu ludziej . Naš reparcior aceńvaje kolkaść zatrymanych u dziesiać čałaviek.
19:33
My pa-raniejšamu nie majem suviazi ź videaapieratarkaj «Našaj Nivy» Taćcianaj Haŭrylčyk, zatrymanaj u časie pierformansu hrupy Femen. Jaje zaviali ŭ budynak KDB kala 11-j hadziny. Ad 12-j hadziny jana pierastała adkazvać na telefanavańni. U pres-słužbie KDB nam ničoha nie paviedamili.
19:31
Žančyny sa śviečkami stajać kala Čyrvonaha kaścioła. Inšaja hrupa žančyn śpiavaje kala pomnika Aniołu. Pad pomnikam staić užo 60 śviečak. Voś prosta na vačach karespandentki «Našaj Nivy» paciahnuli ŭ busik jašče adnaho mužčynu.
19:29
Prynamsi dvuch čałaviek zatrymali kala Čyrvonaha kaścioła na vačach u karespandenta «Našaj Nivy». Kala bažnicy zhurtavałasia kala 50 pratestoŭcaŭ. Adrazu tudy rušyli mašyny śpiecnaza. Zdajecca, jany źbirajucca zatrymać jašče bolš ludziej.
19:23
Na płoščy Niezaležnaści kala dvaccaci čałaviek sabralisia razam i zapalvajuć śviečki.
19:23
Krasamoŭny fakt pra pilnaść pravaachoŭnikaŭ pieradaje karespandent radyjo «Svaboda». La restaracyi «Vasilki», što nasuprać budynku KDB, načalnik minskaj milicyi Alaksandr Barsukoŭ asabista praviaraje sumki, pakiety i roznyja pakunki ŭ minakoŭ, jakija ruchajucca ŭzdoŭž praśpiekta Niezaležnaści. Što ž šukaje Barsukoŭ?
19:18
Našy čytačy paviedamlajuć, što Lichavidaŭ i Parfiankova pryvieźli ŭ Centralny RUUS.
19:16
Zatrymany Alaksandr Ściepanienka z Abjadnanaj hramadzianskaj partyi.
19:14
Staršynia sudu Pieršamajskaha rajona Minska Tamara Vysockaja admoviłasia pieraaformić dakumienty na spatkańnie asudžanaha pravaabaroncy Alesia Bialackaha ź jahopaviedamiŭ pravaabaronca Valancin Stefanovič.82-hadovym baćkam, jaki znachodzicca ŭ ciažkim stanie,
19:13
Kala doma Anatola Labiedźki
19:11
Zatrymanyja Mikita Lichavid z mamaj Alenaj, a taksama Vasil Parfiankoŭ, paviedamlaje ŭ svaim fejsbuku pravaabaronca Nasta Łojka. Alena Lichavid paviedamiła, što ich viazuć u Centralny RUUS.
19:10
Kala «nulavoha kiłamietra» ŭ dziaŭčyny adabrali zapalenuju zapalničku.
19:07
U sacyjalnych sietkach jość zapisy, što ludzi źbirajucca «prajścisia tym ža maršrutam, što i hod tamu ŭ toj ža čas, što i hod», h.zn. a 20-j hadzinie. Ludzi majuć na ŭvazie pryvatny, piersanalny pratest, biez łozunhaŭ i płakataŭ.
Nichto z apazicyi nie ŭziaŭ na siabie arhanizacyju masavaj akcyi.
19:03
Zatrymany minčuk Alaksandr Arcybašaŭ i jašče niekalki čałaviek.Jany źbiralisia zapuścić u nieba na vulicy Niamiha kitajskija lichtaryki, u taki sposab adznačyŭšy hadavinu razhonu Płoščy. Pra heta ŭ svaim fejsbuku paviedamiŭ hramadski aktyvist Michaił Paškievič. Zatrymanyja znachodziacca ŭ Centralnym RUUSie.
19:02
Dziasiatak žurnalistaŭ sabraŭsia kala pomnika Dziaržynskamu. Jany mierkavali, što tam adbudziecca pierformans, adnak nijakich udzielnikaŭ tam niama.
18:57
DAIšniki stajać na kožnym śviatłafory praśpiekta.Kala paštamta stajać taksama hrupki ahientaŭ u cyvilnym, u tym liku apieratary.
18:54
Były palitviazień Mikita Lichavid, jahonaja mama Alena Lichavid i Vasil Parfiankoŭ prajšli ŭ bok płoščy Pieramohi. «Budziem hulać», — skazali jany karespandentcy NN.Usiaho karespandentka NN pabačyła čatyry hrupki pa piać čałaviek u rajonie Płoščy. Ludzi hulajuć, čuvać, jak jany razmaŭlajuć pra Płošču minułaha hoda.
18:49
U milicyjantaŭ na vychadzie ź mietro płoščy Niezaležnaści karespandent «Našaj Nivy» zaŭvažyŭ zdymki, musić, niekatorych aktyvistaŭ apazicyi, u pryvatnaści, paznaŭ maładafrontaŭca Dziemidzienku— vidać, jany majuć zahad zatrymać patencyjnych lidaraŭ akcyi pratestu. Kala jaliny na Płoščy, kala Doma ŭrada i la harvykankama stajać hrupy ahientaŭ u cyvilnym.
18:45
Kala cyrka nievialikaja avaryja.Ad hetaha ŭtvaryŭsia zator, uskładnieny ruch transpartu. Ad płoščy Pieramohi da Kastryčnickaj
18:40
Kala muzieja Vialikaj ajčynnaj vajny i za Pałacam Respubliki stajać dva dziasiatki aŭtobusaŭ i mašyn sa śpiecnazam, a taksama čatyry aŭtazaki MAZ.
Na Płoščy i praśpiekcie nazirajecca vialikaja kolkaść ahientaŭ u cyvilnym, u toj čas jak milicyjanty ŭ formie nadhladajuć pasažyraŭ na vychadach ź mietro.Tym nie mienš, u roznych miescach praśpiekta zaŭvažny i hrupki nieabyjakavych ludziej — niekatoryja sa śviečkami, kvietkami i nacyjanalnaj simvolikaj.
* * *
«19 śniežnia 2010 hodu ŭ našaj krainie zhasła śviatło. Ceły hod my žyli ŭ ciemry. Adny sprabavali ŭbačyć nieba skroź ciomnyja kraty turemnych kamieraŭ, inšyja stajali ciomnymi zimovymi ranicami kala turmaŭ, kab daviedacca choć
«Chaj kožny zapalić svaju śviečku, dzie jamu zručna: pry darozie, na prypynku, na prystupkach kramy, kinateatra. Davajcie aśvietlim nie tolki Miensk, ale i centralnyja vulicy inšych haradoŭ našaj krainy!» — zaklikajuć arhanizatary akcyi.
* * *
Akcyi salidarnaści ŭ zamiežžy
Varšava. Vuličnyja akcyi projduć pierad ambasadaj Biełarusi, a 12.00 i viečaram na Zamkavym placy.
Vilnia. Akcyja z
Kijeŭ. Pikietavańnie ambasady Rasiei (
Łondan. U halerei «Sierpantyn» a 15.00 buduć čytać kazki, jakija napisaŭ u turmie Andrej Sańnikaŭ dla svajho syna Danika. 16.30 — akcyja kala biełaruskaj ambasady.
Amsterdam. Prezientacyja filma «Biełaruskaja mara». Adras: Arie Biemondstraat 111, N
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads13
Kamientary