Kiraŭniki cerkvaŭ nie adkazali rodnym palitviaźniaŭ

Prośby žančyn zastupicca za ich mužoŭ byli adrasavanyja taksama kiraŭniku Biełaruskaj pravasłaŭnaj carkvy, Katałcikaha kaścioła, pradstaŭniku Papy Rymskaha ŭ Biełarusi dy śviataram inšych kanfiesij.

U svaim zvarocie žonki i maci zaklikali b dapamozie.

— Paspryjajcie, kali łaska, chutkaha vyzvaleńniu našych lubimych blizkich, — pisali žančyny. —

Siarod aŭtaraŭ lista — Nasta Pałažanka, Ała Sańnikava, Maryna Adamovič, Taćciana Sieviaryniec, Volha Bandarenka, Natalla Pinčuk i Maryna Łobava.

Ale kaladnaha cudu nie adbyłosia. Na list nie adreahavali ni mitrapalit Fiłaret, ni apostalski nuncyj Kłaŭdyjo Hudžeroci, ni mitrapalit Tadevuš Kandrusievič. Taksama abyšli ŭvahaj zvarot archimandryt Siarhiej Hajek, biskupy Siarhiej Chomič, Majsiej Astroŭski i Leanid Biruk.

Adziny, chto advažyŭsia vykazać słovy padtrymki i pryznačyŭ sustreču rodnym palitviaźniaŭ, — pastar carkvy «Novaje žyćcio» Viačasłaŭ Hančarenka.

— Jak čałavieku vierujučamu mnie składana ŭsprymać toje, što carkva baicca skazać svajo važkaje słova, — padzialiłasia Volha Bandarenka. — Ja katalička i viedaju,

jak pavodziŭ siabie kaścioł padčas polskaj «Salidarnaści».

Ała Uładzimiraŭna Sańnikava ličyć, što, ihnarujučy ich zvarot, śviatary pastupajuć nie pa-chryścijansku.

— Ja škaduju, što pravasłaŭnaja carkva maŭčyć, — skazała mama eks-kandydata ŭ prezidenty. — Chočacca spadziavacca, što jany padzielać naš bol, bo našy blizkija, jakija siońnia pakutujuć ŭ turmach, pajšli na heta dziela svajho naroda. Kamu, jak nie carkvie, adhuknucca na naš zaklik?

Miž tym, akazvajecca, nie ŭsie adrasaty lista, razasłanaha duchoŭnym pastyram Nastaj Pałažankaj, jaho pračytali.

Časovy vykanaŭca abaviazkaŭ pres-sakratara Kanfierencyi Katalickich Biskupaŭ u Biełarusi ksiondz Juryj Sańko paćvierdziŭ, što Tadevuš Kandrusievič atrymaŭ list, ale aficyjnaha adkazu pakul nie daŭ.

U pryjomnaj pasolstva Vatykana ŭ Minsku sakratar apostalskaha nuncyja Kłaŭdyjo Hudžeroci zajavili, što listoŭ ad žonak i maci viaźniaŭ sumleńnia nie pastupała.

Takaja praktyka isnuje i ŭ Biełaruskaj pravasłaŭnaj carkvy. Pres-sakratar Fiłareta protaijerej Sierhij Lepin nie vałodaje infarmacyjaj ab tym, ci atrymlivaŭ kiraŭnik BPC list, tamu i kamientavać ničoha nie staŭ.

Pavodle słoŭ upaŭnavažanaha Biełaruskaha Ekzarchata pa suviaziach sa ŚMI Jaŭhiena Śviderskaha, na dasłanyja listy Mitrapalit adkazvaje asabista adrasatam.

— Pijar z hetaha my nie robim, — zajaviŭ surazmoŭca.

Nieviadoma, ci ŭzdymałasia tema palitviaźniaŭ u čas kaladnaj sustrečy Mitrapalita Fiłareta i Alaksandra Łukašenki. Pa paviedamleńniach infarmahienctvaŭ, u patryjaršych pakojach jany razmaŭlali pra ŭzajemadziejańnie dziaržavy i pravasłaŭnaj carkvy i ab duchoŭnym adradžeńni hramadstva.

Cikava, što hod tamu paśla brutalnaha razhonu Płoščy Łukašenka praihnaravaŭ kaladnuju liturhiju z udziełam Fiłareta. Pierad hetym aficyjnaje vydańnie Biełaruskaj pravasłaŭnaj carkvy «Carkoŭnaje słova» apublikavała listy z zaklikam vyzvalić aryštavanych 19 śniežnia.

Carkva tady padkreśliła svaju niaźmiennuju pazicyju nieŭmiašańnia ŭ palityčnyja spravy i zaklikała da taho, kab nievinavatyja ludzi niebyli padvierhnutyja niespraviadlivamu pakarańniu.

• 0
• 0
• 0
• 0
• 0
• 0
• 0
• 0