Pradprymalniki dabilisia taho, kab košt arendy nie padaražeŭ utraja.
Bazavaja arendnaja płata z ulikam inflacyi ŭ 2012 hodzie składzie 54–55 tys. rubloŭ, paviedamiŭ staršynia Dziaržkammajomaści Hieorhij Kuźniacoŭ.
«Formuła prostaja.
U prajekcie ŭkaza napisana, što siońnia jana (bazavaja arendnaja płata) składaje 35 tys. rubloŭ, a pa stanie na 1 krasavika 2012 hoda da hetaj płaty budzie ŭvodzicca kaeficyjent inflacyi», —skazaŭ kiraŭnik Dziaržkammajomaści.
Pavodle jaho słoŭ, «na razhlad prezidentu ŭnosiŭsia prajekt ukaza ab uniasieńni źmianieńniaŭ va ŭkaz, jaki rehłamientuje staŭki arendnaj płaty». «Prezident napisaŭ rezalucyju, kab jon byŭ bolš zrazumiełym, i siońnia my znoŭ unosim źmianieńni, kab jon [dakumient] byŭ adzinym cełym. 23 lutaha my jaho addajem na ŭzhadnieńnie va ŭrad, a zatym na padpisańnie prezidentu», — patłumačyŭ Kuźniacoŭ.
Pavodle jaho słoŭ, prapanavana ŭnieści ŭ dakumient paniaćci bazavaj arendnaj płaty i kaeficyjenta da jaho. «Tak, na 1 krasavika 2013 hoda ŭ arendnuju płatu budzie znoŭ „ukručvacca“ kaeficyjent inflacyi, i tak budzie zaŭsiody», — adznačyŭ kiraŭnik viedamstva.
Kamientary