Aktyvisty «Źmieny» — moładzievaha kryła hramadzianskaj kampanii «Havary praŭdu!» — praciahvajuć kreatyvić.
21 lutaha troje aktyvistaŭ kampanii «Havary praŭdu!» praviali na płoščy Niezaležnaści ŭ Minsku čarhovuju pratestnuju akcyju. Maładyja ludzi ŭ maskach stali kala pomnika Leninu la Doma Urada i rasšplili svaje palito. Na hrudziach u kožnaha z dapamohaj afarbavanaj u čorny koler malarnaj stužki było vykładziena pa adnoj litary: «Š», «O», «S».
Milicyja nie paśpieła zreahavać na hetuju — praciahłaściu chviliny try — akcyju. Pad śmiaški vypadkovych śviedkaŭ maładyja ludzi spuścilisia ŭ mietro…
***
Nahadajem, što 10 lutaha aktyvisty «Źmieny» zładzili la Minharvykankama akcyju Cacki mitynhujuć.
Na kłumbie kala aŭtobusnaha prypynku jany pasadzili miakkija cacki z płakatami ŭ rukach. Cacačnyja miadźviedziki i sabački patrabavali svabodu presy, vyzvaleńnia
palitviaźniaŭ, ŠOSa i skardzilisia, što milicyja adarvała im voka.
A 17 lutaha la Kamaroŭskaha rynka moładź u maskach Łukašenki razdavała chren.
Kamientary