Dźmitryj Baranaŭ: Ja nie davaŭ kamandy sfalsifikavać vyniki hałasavańnia

U piatnicu pieršy namieśnik kiraŭnika Administracyi prezidenta Alaksandr Radźkoŭ, jaki ŭznačalvaŭ śpiecyjalnuju kamisiju pa rasśledavańni vynikaŭ «Jeŭrafesta» zajaviŭ, što vinavatym jość vykanaŭčy pradziusar Biełteleradyjokampanii Dźmitryj Baranaŭ. Mienavita jon, pa słovach Radźkova, daŭ zahad sfalšavać vyniki hladackaha hałasavańnia. A ŭ paniadziełak, 27 lutaha, kiraŭnik Biełteleradyjokampanii Hienadź Davydźka skazaŭ, što Dźmitryj Baranaŭ budzie zvolnieny. «Ja čakaju kankretnaha rasparadžeńnia na papiery. I jano budzie, — skazaŭ Davydźka. — Nieadkładna — nie značyć, što siońnia. Usio budzie tak, jak skazaŭ Łukašenka. Nie sumniavajciesia».

«Narodnaja Vola» dazvaniłasia ŭ paniadziełak Dźmitryju Baranavu.

— Nu što ja mahu skazać? Ja sa svajoj kamandaj staraŭsia zrabić vydatnaje, kłasnaje šoŭ. I kali pra jaho ciapier usio kažuć, napeŭna, atrymałasia. A ŭsio astatniaje — heta niejkaje tryźnieńnie…

— Siońnia ŭsich chvaluje adno pytańnie: čamu vy ŭ hetaj situacyi krajni? Dzima, moža, vy zakachanyja ŭ Łanskuju i tamu dali kamandu padmianić vyniki?

— Ja nie addavaŭ kamandy padmianić vyniki hałasavańnia.

— A čamu tady vaša imia zaraz pałoščuć dzie tolki možna?

— Dla mianie heta taksama aktualnaje pytańnie.

— Vas užo zvolnili z pracy?

— Pakul nie.

— Jak dumajecie, budzie raspačata kryminalnaja sprava pa «JeŭraFestu»?

— Mnie składana pra heta kazać, razumiejecie, ja ŭsiaho tolki pradziusar, jaki rabiŭ svaju spravu…

— Na ŭsie pytańni vy adkazvajecie z zajzdrosnym spakojem. Možna pazajzdrościć vašaj vytrymcy…

— Dziakuj, imknusia…

***

Raniej u intervju partału Interfax.by pradziusier dyrekcyi muzyčnych i zabaŭlalnych prahram Biełteleradyjokampanii, pradziusier «Jeŭrafesta» Anastasija Cichanovič zajaviła, što ŭ kalektyvie, jaki pracuje nad padrychtoŭkaj da «Jeŭrabačańnia-2012», nie vierać u toje, što Baranaŭ rasparadziŭsia falsifikavać vyniki hałasavańnia hledačoŭ.

«Heta vielmi bujnaja padstava. Heta nie ŭkładvajecca ŭ hałavie. Nichto ŭ heta nie vieryć», — zajaviła Cichanovič.

***

U abaronu Dźmitryja Baranava faktyčna vystupiła i «Kamsamolskaja praŭda ŭ Biełarusi», sarkastyčna napisaŭšy:

«U pryncypie my, žurnalisty, viedali Dźmitryja daŭno. Svaje pieršyja kroki ŭ šou-biznesie jon rabiŭ u jakaści kancertnaha dyrektara Cichanoviča — Papłaŭskaj. Apošnija piać hadoŭ pracuje ŭ Biełteleradyjokampanii.

Jašče ŭ tyja časy, kali my z dapamohaj Kirkorava adpraŭlali ŭ Jeŭropu Dźmitryja Kałduna, Baranaŭ byŭ pradziusaram, a praściej skazać — pracoŭnym konikam prajekta.

• 0
• 0
• 0
• 0
• 0
• 0
• 0
• 0