«Takaja milicyja vyklikaje tolki aściarohi i azłableńnie ŭ hramadzian»
U Dzień biełaruskaj milicyi hramadskija dziejačy razvažajuć ab pracy pravaachoŭnikaŭ.
4 sakavika — Dzień biełaruskaj milicyi. Karespandent BiełaPAN sustreŭsia z hramadskimi dziejačami Biełarusi i daviedaŭsia, što jany dumajuć ab pracy ajčynnych pravaachoŭnikaŭ.
Były padpałkoŭnik KDB Valeryj Kostka, pravaabaronca Aleh Vołčak, juryst Biełaruskaha Chielsinkskaha kamiteta Hary Pahaniajła i były sudździa Kanstytucyjnaha suda Michaił Pastuchoŭ sychodziacca ŭ niezdavalniajučaj acency pracy biełaruskaj milicyi.
Valeryj Kostka, tym nie mienš, ličyć pravaachoŭnyja orhany nieabchodnymi hramadstvu pry lubym palityčnym ładzie. «Vystaŭlać pretenzii ŭsioj milicyi niapravilna. Treba vystaŭlać pretenzii tym, chto vykonvaje svaju funkcyju nie ŭ imia naroda, a ŭ imia kankretnaha čałavieka i abaraniaje jaho prava, uvachodziačy ŭ supiarečnaść ź intaresami hramadstva. Jość funkcyja, jakaja ŭ nas hipiertrafavana ŭzrasła, heta funkcyja AMAPa, śpiecnazu. Navošta ich stolki?» — zapytaŭsia surazmoŭca BiełaPAN.
«Poŭny nieprafiesijanalizm» — tak acharaktaryzavaŭ pracu pradstaŭnikoŭ biełaruskich pravaachoŭnych orhanaŭ Aleh Vołčak. Ź im zhodny Hary Pahaniajła. «Toje, što my bačym, — nie prosta biaźmiežža, a hrubaje, cyničnaje prymianieńnie siły z adnoj metaj — navieści strach na hramadstva. Takaja milicyja vyklikaje tolki aściarohi i azłableńnie ŭ hramadzian. Dziaržava arhanizoŭvaje kanflikt pamiž uładaj i hramadzianinam, a zatym z dapamohaj dziejańniaŭ milicyi sprabuje jašče i razduć hety kanflikt», — zaznačyŭ Pahaniajła.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary