Rekanstrukcyju Kupałaŭskaha i Maładziožnaha płanujecca zaviaršyć da kanca hoda
Rekanstrukcyju budynkaŭ Nacyjanalnaha akademičnaha teatra imia Janki Kupały i Biełaruskaha dziaržaŭnaha maładziožnaha teatra płanujecca zaviaršyć da kanca hoda, paviedamiŭ pieršy namieśnik ministra kultury Uładzimir Karačeŭski 26 sakavika napres-kanfierencyi ŭ Minsku.
«My spadziajomsia, što sioleta atrymajecca zakončyć rekanstrukcyju hetych teatraŭ, ale nie ŭsio zaležyć ad Minkultury. Heta zaležyć ad našych budaŭnikoŭ, ci budzie ŭsio atrymlivacca tak, jak my zapłanavali», — skazaŭ Karačeŭski.
Pavodle jaho słoŭ, da kanca 2013 hoda pavinna być zavieršana prahrama pa rekanstrukcyi teatraŭ Biełarusi. Jak nahadaŭ pradstaŭnik Minkulta, zaraz u Minsku praciahvajecca rekanstrukcyja Biełaruskaha respublikanskaha teatra junaha hledača. Aprača taho, prachodzić rekanstrukcyja teatraŭ u rehijonach: Hrodzienskaha abłasnoha teatra lalek, Słonimskaha dramatyčnaha teatra, Bresckaha abłasnoha teatra lalek.
Maštabnaja rekanstrukcyja Maładziožnaha teatra pačałasia viasnoj 2009 hoda, Kupałaŭskaha — u listapadzie 2010 hoda.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary