Šeść hadoŭ tamu Valer Lisik, žychar Ižeŭsku, patrapiŭ u avaryju, u jakoj zahinuli ŭsie dakumienty, u tym liku pašpart savieckaha ŭzoru.
Siamju biełarusa mohuć departavać z Rasiei
Z Rasii mohuć departavać siamju biełarusa Valeryja Lisika. Apošnija šeść hadoŭ jana nielehalna žyła ŭ Ižeŭsku, śćviardžaje ŭdmurckaje ŭpraŭleńnie mihracyjnaj słužby.
Vyśvietliłasia, što Lisik u 1991 hodzie byŭ pryzvany ŭ savieckuju armiju ź Biełarusi, słužyŭ va Udmurcii. Paśla zvalnieńnia zastaŭsia žyć u Ižeŭsku, dzie stvaryŭ siamju.
Šeść hadoŭ tamu biełarus patrapiŭ u avaryju, u jakoj zahinuli ŭsie dakumienty, u tym liku pašpart savieckaha ŭzoru. Adnavić pašpart Valeryj Lisik nie zmoh, z‑za hetaha ŭ jaho pačalisia prablemy z pracaŭładkavańniem.
Mihracyjnaja słužba nie choča daravać Lisiku parušeńnia zakanadaŭstva. Jamu ŭ čarhovy raz admoŭlena ŭ atrymańni rasijskaha hramadzianstva. A niadaŭna ź Biełarusi ŭ Ižeŭsk pryjšoŭ aficyjny adkaz na zapyt, u jakim paćviardžajecca biełaruskaje hramadzianstva Valeryja Lisika.
Paviedamlaje ŭdmurckaje telebačańnie
Kamientary