Kamandujučy ŭnutranymi vojskami pra 25 Sakavika: Reakcyja milicyi budzie strymanaj
Milicyja maje namier zabiaśpiečyć hramadzki paradak u stalicy padčas sakavickich manifestacyj.
Milicyja maje namier zabiaśpiečyć hramadski paradak u stalicy padčas akcyj, zapłanavanych apazicyjaj na sakavik. «Usio budzie adekvatna tym padziejam, jakija buduć razhortvacca», — zajaviŭ BiełaPAN namieśnik ministra ŭnutranych spraŭ Biełarusi — kamandujučy ŭnutranymi vojskami hienierał-major Valeryj Hajdukievič, kamientujučy mahčymyja dziejańni ŭ hetyja dni pravaachoŭnych orhanaŭ i pierśpiektyvu pieravodu milicyi na ŭzmocnieny varyjant niasieńnia słužby.
«Kali vialikaja kolkaść ludziej, miarkujecca, što adpaviednyja siły buduć udzielničać u padtrymańni hramadskaha paradku», — skazaŭ V.Hajdukievič. Pry hetym jon padkreśliŭ, što nichto «lišnich ludziej nikudy pryciahvać nie budzie».
Paźniej u hutarcy z karespandentam BiełaPAN adzin z aficeraŭ unutranych vojskaŭ zaŭvažyŭ, što «kałony techniki ŭ horad nie pojduć», ale padraździaleńni ŭnutranych vojskaŭ buduć hatovy vykanać zadačy pa padtrymańni hramadskaha paradku ŭ stalicy.
Nahadajem, pradstaŭniki apazicyi pryblizna miesiac tamu padali ŭ Minharvykankam zajaŭku na praviadzieńnie 25 Sakavika, u Dzień Voli, śviatočnaha mitynhu na Kastryčnickaj płoščy Minska. Arhanizatary ličać, što aficyjny adkaz budzie atrymany prykładna 20 sakavika.
Treba taksama nahadać, što 19 sakavika spoŭnicca roŭna hod z momantu praviadzieńnia prezidenckich vybaraŭ, paśla jakich adbylisia viadomyja padziei — šmattysiačnyja mitynhi hramadzian, nie zhodnych z aficyjnymi vynikami vybaraŭ, i źjaŭleńnie pałatačnaha haradka na Kastryčnickaj płoščy.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca15
Kamientary