Na trasie
Aŭtobus z žanočaj zbornaj Biełarusi, jaki nakiroŭvaŭsia ŭ Litvu (Druskininkaj) na zbory, patrapiŭ u avaryju.
«U naš aŭtobus urezaŭsia «Opiel», kiroŭca jakoha zasnuŭ za rulom", --napisała na svajoj staroncy ŭ Facebook hulec zbornaj Maryna Kres.
Jak paviedamiła mieniedžer zbornaj Anžalika Bialevič, u avaryi nichto z našaj kamandy nie paciarpieŭ.
«U 9.30 ranicy 13 maja aŭtobus žanočaj nacyjanalnaj zbornaj Biełarusi pa baskietbole patrapiŭ u avaryju, nakiroŭvajučysia na vučebna-trenirovačnyja zbory ŭ Druskininkaj (Litva). Za sto kiłamietraŭ ad Minska pa trasie Minsk-Hrodna lehkavy aŭtamabil vyjechaŭ na sustrečnuju pałasu, pa jakoj ruchaŭsia aŭtobus žanočaj zbornaj.
Kiroŭca aŭtobusa vyjechaŭ na abočynu, ale sutyknieńnia nie ŭdałosia paźbiehnuć.Nichto nie paciarpieŭ. Vynikam avaryi stali mocnyja paškodžańni aŭtobusa, jakija nie dazvolili praciahnuć šlach. Na praciahu dvuch hadzin aŭtobus byŭ zamienieny. Ciapier dziaŭčaty z zbornaj i trenierski skład adčuvajuć siabie dobra i nakiroŭvajucca na trenirovačnuju bazu ŭ Druskininkaj ", - havorycca ŭ paviedamleńni na aficyjnym sajcie BFB.
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili5
Kamientary