Kolkaść udzielnikaŭ pieraŭzyšła prahnozy.
Kolkaść udzielnikaŭ pieraŭzyšła prahnozy. Apazycyja zachavała svoj mabilizacyjny patencyjał ź minułaha hodu. Varta adznačyć, što ŭ 1995, 1997, 2002, 2005 hadach jon istotna źnižaŭsia, a ciapier praz hod paśla vybaraŭ zastaŭsia niaźmienny.
Istotnuju častku mitynhoŭcaŭ składali ludzi z rehijonaŭ. Istotnaja častka ludziej z kalonaŭ, raśsiečanych specnazam kala Pałacu Sportu na Mašerava, kala KDB na praspekcie Skaryny i na Bahdanoviča, taki dałučyłasia da asnoŭnaj kalony mitynhoŭcaŭ, h.zn. jany byli hatovyja da bolš upartaha i daŭžejšaha pratestu. I da aryštaŭ. Jany ŭžo nie bajacca prysutnaści milicyjantaŭ.
Manifestacyja na Dzień Voli ŭvajšła ŭ tradycyju. Mienavita na hety dzień najlahčej mabilizujucca aktyvisty.
Taktyka ŭładaŭ była niaźmiennaj ź minułaha hodu: nijakich aficyjnych kampramisaŭ, zapałochvańni praz medyi, demanstracyju siły, pavieličeńnie kolkaści supracoŭnikaŭ pravaachoŭnych orhanaŭ, zadziejničanych u aperacyi. Preventyŭnyja zatrymańni aktyvu apazycyi stali praktykaj.
Siły achovy pravaparadku amal nie zatrymlivali ludziej u časie padziejaŭ. Ułady, imavierna, stavili pierad saboj zadaču luboj canoj uniknuć telehieničnych scenaŭ razhonu ci aryštaŭ. I jany vykanali pastaŭlenuju zadaču.
Navinoju była arhanizacyja alternatyŭnych kancertaŭ kala Biblijateki i ŭ Aeraporcie. Akcyja mieła pośpiech: imprezy sabrali niekalki dziasiatkaŭ tysiač hledačoŭ.
Mitynh apazycyi byŭ zvyčajny: z doŭhimi pramovami nia duža hučnych arataraŭ ad kožnaj partyi i arhanizacyi. Ludzi zvyčna pačali razychodzicca z pačatkam mitynhu.
Zatoje ŭ mitynhu byŭ pryhožy apošni akord. Kab abaranić Milinkieviča ad pravakacyj, ludzi žyvym kalidoram pravodzili jaho z žonkaj da płoščy Jakuba Kołasa, dzie jaho čakała mašyna.
Inšyja skiravalisia da Nacyjanalnaj biblijateki, ryzykujučy trapić pad aryšt.
Sioletniuju manifestacyju vyłučaŭ duch achviarnaści i aptymizmu. Heta čymści nahadvała 1996 hod.
-
Sieviaryniec: Taja linija, jakuju viadzie Babaryka — heta nie majo. A z Kaleśnikavaj moža vyraści kłasny biełaruski palityk
-
Bialacki ŭ tekście dla New York Times: Śviet nie pavinien śpisvać Biełaruś jak krainu, jakaja kančatkova adyšła ŭ śfieru ŭpłyvu Rasii
-
Hurnievič adkazaŭ Čachoviču: Ja nie pačuŭ ad Sieviarynca zaklikaŭ nienavidzieć
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ5
Kamientary