U Prazie adkryŭsia chosteł pad bieł-čyrvona-biełym ściaham
U pieršym biełaruskim chostele ŭ Prazie hučyć biełaruskaja mova i padajuć biełaruskija stravy. Nad uvachodam — bieł-čyrvona-bieły ściah. Heta pieršaje miesca takoha kštałtu ŭ Čechii.
Haspadynia chostełu — uradženka Biełarusi. Pierajechała ŭ Prahu 8 hadoŭ tamu. Daŭno maryła adčynić svoj chosteł. U vieraśni arendavała 3-paviarchovy katedž, sama zrabiła ramont. Razmaŭlaje pryncypova pa-biełarusku. U chostele ŭžo žyvuć niekalki čałaviek — studenty ź Biełarusi i Ukrainy. Dahladaje paradak pios Čykaciła. Haspadynia tut — i prybiralščyca, i kucharka, i sakratarka.
Jość adnaasabovyja, dvuchasabovyja, šaściasabovyja pakoi. Haspadynia zaprašaje prajści na kuchniu. U mieniu — biełaruskija stravy: draniki, aładki, sałata aliŭje. Ekskluziŭ chosteła — biełaruskaje sała.
Dla biełarusaŭ — źnižki. Za noč — 250 kronaŭ (kala 10 jeŭra). Dla rasiejcaŭ, ukraincaŭ — 400 kronaŭ. Śniadanak — 50 kronaŭ (2 jeŭra). Haspadynia raźličvaje na biełaruskich studentaŭ, im jana planuje zdavać spalnyja miescy pa 4—5 tysiačaŭ kronaŭ na miesiac (200—250 dalaraŭ).
Alaksiej Franckievič, lidar «Sajuzu za madernizacyju», zarehistravanaha ŭ Čechii, ličyć, što chosteł moža słužyć miescam praviadzieńnia biełaruskich mierapryjemstvaŭ. Pavodle jaho, u chostele mohuć spyniacca nie tolki studenty, ale i muzyki, aktory, a taksama palituciekačy ź Biełarusi.
Adras: Jižní II 3112/4, Praha 4, 141 00 Praha, Záběhlice
Ciapier čytajuć
Kalekcyju karcin Viktara Babaryki raspradajuć ź vialikimi źnižkami. Ale biez samaha darahoha dla jaho tvora3
Kamientary