Čatyry biełaruskija małočnyja kampanii zmohuć pastaŭlać pradukcyju ŭ ES, try naležać Mašenskamu
Heta vynik vysokaj jakaści ich pradukcyi.
Try kampanii, u jakich pradstaŭleny intaresy miljaniera Alaksandra Mašenskaha, z 1 lipienia atrymali dostup na małočny rynak Jeŭrasajuza. 18 červienia pastajanny kamitet Jeŭrapiejskaha sajuza pa charčovym łancuhu i zdaroŭi žyvioły daŭ dabro na pastaŭki syroha małaka i małočnych praduktaŭ ź Biełarusi dla čatyroch biełaruskich kampanij: AAT «Vierchniadźvinski masłasyrarobčy zavod», SP «Santa Bremar», AAT «Biarozaŭski syrarobny kambinat» i AAT «Savuškaŭ pradukt». Na hetych pradpryjemstvach prajšli pravierki jeŭrapiejskimi ekśpiertami, jakija atestoŭvać kampanii na adpaviednaść normam ES pa biaśpieki charčovych praduktaŭ».
«Santa Bremar» i «Savuškaŭ pradukt» źjaŭlajucca asnoŭnymi aktyvami biznesoŭcy Alaksandra Mašenskaha. Pradstaŭleny jaho intares i ŭ Biarozaŭskim syrarobnym kambinacie.U listapadzie 2011 hoda «Santa Bremar» davioŭ svaju dolu ŭ AAT «Biarozaŭski syrarobny kambinat» da 13,6%.
Pikantny momant u hetaj historyi składajecca ŭ tym, što Alaksandr Mašenski ledź nie staŭsia nieŭjaznym u Jeŭrasajuz. Niekalki tydniaŭ tamu drukavany orhan ES vydańnie EUobserver nazvaŭ bresckaha biznesmiena siarod tych, kaho mohuć zakranuć sankcyi.
Mašenski skampramietavaŭ siabie, «zhulaŭšy važnuju rolu ŭ kampanii Alaksandra Łukašenki na prezidenckich vybarach 2010 hoda i staŭšy trecim pa ŭpłyvovaści aliharcham paśla Piefcijeva i Čyža»,piša EUobserver.
Padrabiazna pra miljaniera «Naša Niva» pisała ŭ artykule «Alaksandr Mašenski: hałoŭny małočnik Łukašenki».
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary